முதலில் முந்திரி பருப்பை சூடான தண்ணீரில் ஊற வைத்து கொள்ளவும். ஒரு பவுலில் தண்ணீர் ஊற்றி நன்கு கொதிக்க வைத்து அதில் சோயா சங்ஸ் போட்டு 10 நிமிடம் ஊற வைக்கவும்.பிறகு அதை தண்ணீர் இல்லாமல் நன்கு பிழிந்து எடுத்து வைக்கவும்.

பிறகு மிக்ஸியில் ஊற வைத்த முந்திரி பருப்பு சேர்த்து நன்கு பேஸ்ட் போல் அரைத்து தனியாக வைத்துக் கொள்ளவும். பிறகு தக்காளி சேர்த்து அரைத்து தனியாக எடுத்து வைக்கவும். இவ்வாறு அரைப்பதால் கிரேவி கெட்டியாக கிடைக்கும்.

வானலில் எண்ணெய் ஊற்றி சோம்பு சேர்த்து வெங்காயம், பச்சை மிளகாய், கறிவேப்பிலை சேர்த்து நன்கு வதக்கவும். பிறகு இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கவும்.பிறகு அரைத்த தக்காளி சேர்த்து வதக்கவும்.

இதில் மஞ்சள் தூள், மிளகாய் தூள், கரமசாலா, காஷ்மீர் மிளகாய்த்தூள், மல்லி தூள், உப்பு சேர்த்து மூடி போட்டு எண்ணெய் விட்டு வரும் வரை வதக்கவும். பிறகு சோயா சங்ஸ் சேர்த்து தேவையான அளவு தண்ணீர் ஊற்றி அரைத்த முந்திரி பேஸ்ட் சேர்த்து மூடி போட்டு வேக வைக்கவும்.

குழம்பு கொதித்து வந்ததும் கஸ்தூரி மேத்தி சிறிதளவு கையில் கசக்கி சேர்த்து கொள்ளவும். கடைசியாக கொத்தமல்லி தூவி இறக்கவும். சோயா சங்ஸ் கிரேவி தயார். நன்றி