ஒரு பாத்திரத்தில் பச்சை பயறு சேர்த்து தேவையான அளவு தண்ணீர் ஊற்றி 8 மணி நேரம் ஊற வைக்கவும். பிறகு பயறை தண்ணீர் இல்லாமல் வடிகட்டி எடுத்து ஒரு ஈரத்துணியில் பயறை கட்டி 12 மணி நேரம் அப்படியே வைத்து கொள்ளவும்.

பிறகு குக்கரில் முளைகட்டிய பயறு சேர்த்து தேவையான அளவு தண்ணீர் ஊற்றி 3 விசில் விட்டு இறக்கவும்.

வாணலியில் எண்ணெய் ஊற்றி சீரகம் தாளித்து வெங்காயம், பச்சை மிளகாய், பெருங்காயத்தூள் சேர்த்து வதக்கவும்.

தக்காளி, மஞ்சள் தூள், உப்பு சேர்த்து வதக்கவும். பிறகு மிளகாய் தூள், கரமசாலா, மல்லி தூள், சீரகத்தூள் சேர்த்து கலந்து விட்டு சிறிதளவு தண்ணீர் ஊற்றி கொதிக்க விடவும்.

பிறகு பச்சை வாசனை போனதும் வேக வைத்த பயறை சேர்த்து கரமசாலா சேர்த்து உப்பு, காரம் சரிபார்த்து கொள்ளவும். மூடி போட்டு சிறிது நேரம் கொதிக்க வைக்கவும்.

கடைசியாக கொத்தமல்லி தூவி இறக்கவும். முளைகட்டிய பச்சைப் பயிறு கிரேவி தயார். நன்றி