சன்னா மசாலா

கொண்டைக்கடலையை கழுவி 8 மணி நேரம் ஊறவைக்கவும். குக்கரில் தேவையான உப்பு நீர் விட்டு 5 விசில் வந்ததும் இறக்கவும். 2 தக்காளி 2 பெரிய வெங்காயம் பொடியாக அரிந்து வைக்கவும் ஒரு பெரிய வெங்காயம் இஞ்சி பூண்டு நைசாக அரைத்து எடுக்கவும்

வாணலியில் எண்ணெய் விட்டு பிரிஞ்சி இலை பட்டை ஒரு துண்டு கிராம்பு தாளித்து அரைத்த விழுதை சேர்த்து நன்கு வதக்கி வைக்கவும்.மற்றொரு வாணலியில் வெங்காயம் தக்காளி நன்கு வதக்கி வெந்த கொண்டைக்கடலை சேர்த்து, ஒரு ஸ்பூன் கரைத்த கடலை மாவு அரைத்த வதக்கிய,விழுதையும்,சேர்த்து தேவையான உப்பு சன்னாமசாலாத்தூள் சேர்த்து கலந்து சிம்மில் வைத்து கொதிக்க விடவும் சுவையான சன்னா மசாலா தயார். பொடியாக நறுக்கிய மல்லி இலை சேர்த்து மூடி வைக்கவும்

சன்னா மசாலா பொடி : அடுப்பை சிம்மில் வைத்து ஒரு வாணலியில்3ஸ்பூன் தனியா, மிளகு ஒரு ஸ்பூன்,ஒரு சிறு துண்டு பட்டை 3 கிராம்பு ஒரு பிரிஞ்சி இலை 4 வர மிளகாய் ஒரு ஏலக்காய் சேர்த்து வறுக்கவும். கடைசியாக சீரகம் சோம்பு ஒரு சிறிய ஸ்பூன் சேர்த்து வறுக்கவும். அடுப்பை அணைத்து விடவும்.கஸ்தூரி மேத்தி ஒரு ஸ்பூன் மாங்காய் பவுடர் ஒரு ஸ்பூன் சேர்த்து மிக்ஸியில் நைசாக அரைக்க வேண்டும். இந்தப் பவுடரை செய்து வைத்துக்கொண்டு தேவையான அளவு எடுத்து உபயோகித்து கொள்ளலாம்.