பச்சரிசி, உளுத்தம்பருப்பு வெந்தயம் சேர்த்து நன்கு கழுவி அவை மூழ்கும் அளவு தண்ணீர் ஊற்றி 2 முதல் 3 மணி நேரம் ஊறவிடவும். இதில் இருக்கும் தண்ணீரை வடித்து கிரைண்டரில் போட்டு அரைக்கவும். இதில் சிறிது தண்ணீர் தெளித்து ரவை பதத்துக்கு வந்ததும் எடுத்து தேவையான அளவு உப்பு சேர்த்து நன்கு கலந்து 8 மணி நேரம் புளிக்க விடவும். இப்பொழுது இட்லி மாவு தயார். ஒரு கடாயில் நெய் சேர்த்து முந்திரிப்பருப்பு சிறிது சிவக்க வறுத்து மாவுடன் சேர்க்கவும்.

அதே கடாயில் நெய் ஊற்றி கடுகு உளுத்தம்பருப்பு பொரிந்ததும் கடலைப் பருப்பு பெருங்காயத்தூள் பொடித்த மிளகு சீரகம் வறுத்து மாவுடன் சேர்க்கவும்.

இதனுடன் கொத்தமல்லி கருவேப்பிலை சுக்குத்தூள் சேர்த்து நன்கு கலந்து விடவும். ஒரு வட்டமான பாத்திரத்தில் சிறிது எண்ணெய் தடவி இட்லி மாவை ஊற்றவும்.

ஒரு இட்லி பாத்திரத்தில் தண்ணீர் ஊற்றி நன்கு கொதித்ததும் மாவு பாத்திரத்தை உள்ளே வைத்து மூடி போட்டு மூடி 10 முதல் 15 நிமிடங்கள் வேக விடவும்.குறிப்பு :- வேகவைக்கும் பொழுது இடை இடையில் வெந்துவிட்டதா என்று சரி பார்த்துக் கொள்ளவும்.

இட்லி வெந்ததும் அடுப்பை அணைத்து நன்கு ஆறியதும் ஒரு தட்டுக்கு மாற்றி துண்டுகளாக கட் செய்து கொண்டு எடுத்தால் சுவையான காஞ்சிபுரம் இட்லி தயார்.