2கப் பச்சரிசியை நன்றாக கழுவி 2காய்ந்த மிளகாய் சேர்த்து 2மணி நேரம் ஊற வைக்கவும்.

பின்னர் 1/4கிலோ அளவு பரங்கிகாயை எடுத்து தோல் நீக்கி பொடியாக நறுக்கி கொள்ளவும். அதனுடன் 2வெங்காயம் மற்றும் 2தக்காளியை நறுக்கி வைக்கவும். அதனுடன் 1/4மூடி தேங்காய் துருவல் மற்றும் 2பச்சை மிளகாய் எடுத்து கொள்ளவும்.

முதலில் ஊற வைத்த பச்சரிசியை மிக்சி ஜாரில் சேர்த்து சிறு ரவை பதத்தில் அரைத்து எடுத்து கொள்ளவும். பின்னர் நறுக்கி வைத்துள்ள பரங்கிக்காய், வெங்காயம், தக்காளி, பச்சை மிளகாய் மற்றும் தேங்காய் துருவல் ஆகியவற்றை மிக்சி ஜாரில் சேர்த்து நன்கு நைசாக அரைத்து அதை அரைத்து வைத்துள்ள அரிசி மாவுடன் நன்றாக கலந்து கொள்ளவும்.

பின்னர் மாவில்,1/4ஸ்பூன் பெருங்காயத்தூள், தேவையான அளவு உப்பு, பொடியாக நறுக்கிய கருவேப்பிலை மற்றும் கொத்தமல்லி சேர்த்து கலந்து மாவை மூடி வைத்து 1/2மணி நேரம் ஊற விடவும்.

பின்னர் மாவை நன்றாக மீண்டும் ஒருமுறை கலந்து தோசைக்கல் நன்கு சூடானவுடன் அடை வார்த்து அதன் மேல் தேங்காய் எண்ணெய் அல்லது நல்லெண்ணெய் ஊற்றி மிதமான தீயில் மூடி 2நிமிடம் வேக விட்டு பின்னர் அடையை திருப்பி போட்டு 1நிமிடம் வேக விட்டு எடுக்கவும்.