ஒரு டம்ளர் கடலைப் பருப்பை தண்ணீரில் அலசிவிட்டு பருப்பு மூழ்கும் வரை தண்ணீர் சேர்த்து 5 மணி நேரம் வரை ஊற வைக்க வேண்டும்

பருப்பு மசால் வடை செய்வதற்கு 10 பல் பூண்டை தோலுரித்து எடுத்துக்கொள்ள வேண்டும் அதனுடன் ஒரு துண்டு இஞ்சியை தோல் நீக்கி சிறு துண்டுகளாக வெட்டிக் கொள்ளவும் 3 பச்சை மிளகாய் மற்றும் இரண்டு சிறிய துண்டு பட்டை இவை எல்லாவற்றையும் ஒரு மிக்ஸி ஜாரில் மாற்றி முதலில் அரைத்துக் கொள்ள வேண்டும்

அரைத்த விழுதுகள் உடன் நாம் ஊற வைத்துள்ள கடலைப் பருப்பையும் தண்ணீரை வடித்துவிட்டு வெறும் பருப்பை மட்டும் சேர்த்து அரைத்துக் கொள்ள வேண்டும்

பிறகு ஒரு பெரிய வெங்காயத்தை பொடிப்பொடியாக நறுக்கிக் கொள்ளவேண்டும் அதனுடன் ஒரு கையளவு கருவேப்பிலை மற்றும் ஒரு கையளவு கொத்தமல்லித் தழையையும் பொடியாக நறுக்கி எடுத்துக்கொள்ள வேண்டும் அதனை நாம் அரைத்து வைத்துள்ள பருப்பு கலவையில் சேர்த்து அதனுடன் தேவையான அளவு உப்பும் சேர்த்துக் கொள்ள வேண்டும்

இப்போது எல்லாவற்றையும் நன்றாக பிசைந்து பிறகு மாவிலிருந்து சிறு சிறு உருண்டைகளாக உருட்டி பிறகு மறு கையில் வைத்து வடைக்கு ஏற்றவாறு வட்டமாய் தட்டி வைத்துக் கொள்ள வேண்டும்

அடுத்து ஒரு கடாயில் தேவையான அளவு எண்ணெய் சேர்த்து எண்ணெய் சூடானவுடன் நாம் தட்டி வைத்துள்ள வடை மாவு துண்டுகளை எடுத்து ஒவ்வொன்றாய் எண்ணெயில் சேர்க்க வேண்டும்

வடை ஒருபுறம் நன்றாக வெந்து சிவந்ததும் மறுபுறம் திருப்பிப் போட வேண்டும் இரண்டு புறமும் பொன்னிறமாக வரும்வரை வடைகளை எண்ணெயில் பொரிக்க வேண்டும்

வடை பொன்னிறமாய் இருபுறமும் வந்தவுடன் வடைகளை எண்ணெயில் இருந்து எடுத்து எண்ணெய் வடிகட்டியில் வைத்து சிறிது நேரம் எண்ணெயை வடிய விடவேண்டும்