பாசிப்பயறை ஒரு வட சட்டியில் போட்டு ஒரு நிமிடம் வருத்திட்டு நன்கு கழுவி குக்கரில் போட்டு 1 கப் பாசிப்பயறுக்கு 2 1/2 கப் தண்ணீர் ஊற்றி 3 விசில் விட்டு வேக வைத்து எடுத்துக் கொள்ளவும். பிறகு பயறில் உள்ள தண்ணீரை வடித்துவிட்டு எடுத்துக் கொள்ளவும்.

அடுப்பில் ஒரு கடாயை வைத்து 2 ஸ்பூன் எண்ணெய் ஊற்றி எண்ணெய் சூடானதும் கடுகு, உளுந்தம் பருப்பு போட்டு தாளிக்கவும். பிறகு வரமிளகாய், கறிவேப்பிலை போட்டு தாளிக்கவும்.

பிறகு பொடியாக நறுக்கிய வெங்காயத்தை போட்டு ஒரு நிமிடம் பச்சை வாசனை போகும் வரை வதக்கவும்.பிறகு வேக வைத்த பாசிப்பருப்பை தண்ணீர் இல்லாமல் வடித்து விட்டு அதில் சேர்க்கவும்.

பிறகு தேவையான அளவு உப்பு போட்டு ஒரு நிமிடம் நன்கு கிளறவும். பிறகு தேங்காய் துருவலை அதில் போட்டு ஒரு நிமிடம் கிளறி பிறகு பரிமாறவும்.