ஒரு கப் பச்சரிசி மாவை எடுத்துக் கொள்ளவும். அதில் கால் ஸ்பூன் உப்பு போட்டு தண்ணீர் தெளித்து தெளித்து சப்பாத்தி மாவு பதத்திற்கு பிசைந்து கொள்ளவும்.

பிறகு அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் கடுகு, உளுந்தம் பருப்பு, கடலைப்பருப்பு போட்டு தாளிக்கவும்.

பிறகு பொடியாக நறுக்கிய பச்சைமிளகாய் பொடியாக நறுக்கிய வெங்காயம் பொடியாக நறுக்கிய கறிவேப்பிலை இலைகள் போட்டு ஒரு நிமிடம் வதக்கவும். வெங்காயம் நன்கு வதங்கியதும் தேங்காய் துருவலை போட்டு ஒரு நிமிடம் வதக்கவும்.

பிறகு வதக்கியதை ஆற வைத்து பிசைந்து வைத்திருக்கும் பச்சரிசி மாவில் அதைப் போட்டு எல்லாத்தையும் ஒன்று சேர்த்து நன்கு பிசையவும்.

பிறகு பிசைந்த மாவை சிறுசிறு உருண்டைகளாக உருட்டி வைத்துக் கொள்ளவும். அடுப்பில் ஒரு இட்லி பாத்திரத்தை வைத்து அதில் தண்ணீர் ஊற்றி அதன் மேல் இட்லி தட்டை வைத்து அதன் மேல் ஒரு துணியை போட்டு உருட்டி வைத்து உருண்டைகளை அதில் வைத்து 5 நிமிடம் வேகவைத்து எடுக்கவும்.