சேலம் ரோட்டுகடை சால்னா

தேவையான பொருட்கள் எடுத்துக் கொள்ளவும்.

தேங்காய் துருவல், சோம்பு, சீரகம், கசகசா,மிளகு, பொட்டுக்கடலை, நிலக்கடலை, பச்சைமிளகாய் எல்லாவற்றையும் ஒரு மிக்ஸி ஜாரில் போட்டு அரை டம்ளர் தண்ணீர் ஊற்றி நைசாக அரைக்கவும்.

பிறகு அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் பட்டை, கிராம்பு, கடுகு போட்டு தாளிக்கவும். பிறகு பொடியாக நறுக்கிய வெங்காயத்தை போட்டு வதக்கவும்.

வெங்காயம் நன்கு வதங்கியதும் புதினாவை போட்டு ஒரு நிமிடம் வதக்கவும்.பிறகு பொடியாக நறுக்கிய தக்காளியை போட்டு வதக்கவும். தக்காளி நன்கு வதங்கியதும் ஒரு ஸ்பூன் இஞ்சி பூண்டு விழுதை போட்டு பச்சை வாசனை போகும் வரை வதக்கவும்.

பிறகு மிளகாய்த்தூள், மல்லித்தூள், மஞ்சள்தூள் தேவையான அளவு உப்பு போட்டு ஒரு நிமிடம் எண்ணெயிலேயே வதக்கவும்.

பிறகு அதில் அரைத்து வைத்திருக்கும் தேங்காய் விழுதை அதில் ஊற்றி ஒரு நிமிடம் வதக்கி 2 டம்ளர் தண்ணீர் ஊற்றி கொதிக்க விடவும்.பிறகு பரிமாறவும்.