மாம்பழ வேர்க்கடலை ரோல்ஸ்

வேர்க்கடலையை நிறம் மாறாமல் லேசாக வறுத்துக் கொள்ளவும்.. ஆறவிட்டு அதன் தோலை நீக்கி விடவும்

வேர்க்கடலையை மிக்ஸியில் விட்டு விட்டு அரைத்துக்கொள்ளவும் தொடர்ந்து அரைத்தால் அதில் எண்ணெய் பசை போன்று வந்துவிடும் பிறகு ருசி நன்றாக இருக்காது.. அரைத்ததை நன்றாக சலித்துக் கொள்ளவும்..

கடாயில் சர்க்கரையைப் போட்டு மூழ்கும் அளவு தண்ணீர் விட்டு ஒரு கம்பி பதம் வரும் வரை கொதிக்கவிடவும்..

ஒரு கம்பி பதம் வந்ததும் மாம்பழத்தை சேர்த்து கிண்டவும்... அத்துடன் பொடித்து வைத்துள்ள வேர்க்கடலையும் சேர்த்துக் கிண்டவும்..

இரண்டு நிமிடத்தில் கெட்டியாகிவிடும்... கடாயில் ஒட்டாமல் வந்ததும் எடுத்து நெய் தடவிய பட்டர் பேப்பரில் கொட்டி ஆற விடவும்..

ஆறியதும் அதில் சிறிது எடுத்து நீளமாக உருட்டி விருப்பப்பட்டால் பாதாம் முந்திரி நறுக்கி அத்துடன் சேர்த்து உருட்டி கொள்ளலாம்...

இப்போது விரும்பிய நீளத்திற்கு அதை வெட்டி பரிமாறலாம்...

இப்போது சுவையான சத்தான மாம்பழ வேர்க்கடலை ரோல்ஸ் தயார்..