முதலில் வேர்க்கடலையை கடாயில் சேர்த்து நிறம் மாறாமல் வறுத்து தோல் உரித்து கொள்ளவும்...

அதை மிக்ஸி ஜாரில் மாற்றி பல்ஸ் மோடில் அரைக்கவும் தொடர்ந்து அரைத்தால் அதிலிருந்து எண்ணெய் வந்துவிடும் பிறகு ருசி நன்றாக இருக்காது.. அரைத்த வேர்க்கடலையை சலித்துக்கொள்ளவும்..

வேர்க்கடலையுடன் பால் பவுடரையும் கலந்து வைக்கவும்... ஒரு கடாயில் சர்க்கரை சேர்த்து அரை கப் அளவு தண்ணீர் விட்டு ஒரு கம்பி பதத்திற்கு காய்ச்சவும்... கம்பி பதம் வந்ததும் அதில் அரைத்து வைத்துள்ள வேர்க்கடலையை சேர்த்து கிண்டவும்...

சர்க்கரைப் பாகும் வேர்க்கடலையும் ஒன்றாக கலந்து அதில் சிறிது நெய் சேர்க்கவும்.. ஓரளவு சுருண்டு வந்தால் போதுமானது அதிகமாகச் சுருண்டு வந்தால் ஆறியவுடன் உதிரி உதிரியாக மாறிவிடும்

நெய் தடவிய தட்டில் கொட்டி லேசாக ஆற விடவும்... பிறகு அதை ஒரு பட்டர் பேப்பரில் மாத்தி நன்றாக மசிக்கவும்

இப்படி கையால் பிசைந்தால் கட்லி மிகவும் மிருதுவாக இருக்கும்..

அப்படியே ஒரு ஐந்து நிமிடம் ஆற விடவும் நன்றாக ஆறியதும் அதன் மேல் சில்வர் லீஃப் வைத்து அலங்கரிக்கலாம்... அதை விருப்பமான வடிவில் கட் செய்து பரிமாறலாம்..

இப்போது சுவையான இனிப்பான மிகவும் மிருதுவான வேர்க்கடலை கட்லி தயார்...