ஒரு கப் கடையில் விற்கும் மாவு பச்சையரிசி வாங்கிக் கொள்ளவும். ஒரு கப் பாசிப்பருப்பு எடுத்துக் கொள்ளவும். இரண்டையும் நன்றாக கழுவி அரை மணி நேரம் வரை ஊற வைத்துக் கொள்ளவும். பிறகு குக்கரில் ஒரு கப் அரிசிக்கு 4 கப் தண்ணீர் வீதம் மற்றும் ஒரு கப் பாசிப்பருப்பு நான்கு கப் தண்ணீர் வீதம் மொத்தமாக 8 கப் தண்ணீர் ஊற்றி கொள்ளவும். அதில் கால் ஸ்பூன் சீரகம் கால் ஸ்பூன் நெய் சேர்த்து கொள்ளவும். உப்பு தேவையானது சேர்த்துக்கொள்ளவும். அரிசி பருப்பை அதில் சேர்த்து நன்கு கலந்து விட்டு மூன்று பவுண்ட் சத்தம் விடவும்.

இதற்கிடையில் மிளகு சீரகம் இஞ்சி துண்டுகள் கறிவேப்பிலை முந்திரிப்பருப்பு மற்றும் பெருங்காயத் தூள் எடுத்து வைத்துக் கொள்ளவும். நெய் 2 டேபிள்ஸ்பூன் எடுத்து வைத்துக் கொள்ளவும்.

2 டேபிள்ஸ்பூன் நெய்யை ஒரு கடாயில் ஊற்றி உருகிய உடன் அதில் முதலில் மிளகு பிறகு சீரகம் பிறகு இஞ்சித் துண்டுகள் அதன்பிறகு முந்திரிப் பருப்பு கறிவேப்பிலை சேர்த்து சிவக்க வதக்கவும் அடுப்பை நிறுத்தி பிறகு பெருங்காயத் தூள் சேர்த்து நன்கு கலந்து விட்டு கொள்ளவும். வேகவைத்த அரிசி பருப்பை நன்கு மசித்துக் கொள்ளவும்.

இப்போது தாளித்த முந்திரிப்பருப்பு மற்றும் மற்ற பொருட்களை பொங்கலில் சேர்த்து நன்கு கலந்து விடவும். ஐந்து நிமிடம் மூடி வைத்து விடவும் நெய் மற்றும் மிளகு சீரகம் வாசம் நன்கு சேர்ந்துகொள்ளும். வேண்டுமென்றால் மேலும் சிறிது நெய் சேர்த்துக் கொள்ளலாம். தொட்டுக்கொள்ள சாம்பார் சட்னி சுவையாக இருக்கும் சுவையான ஹோட்டல் ஸ்டைல் வெண் பொங்கல் ரெடி.