பச்சரிசி மற்றும் பாசிப்பருப்பை கழுவி தண்ணீரை வடிகட்டி குக்கரில் போடவும்

பின் காய்ச்சிய பால் மற்றும் தண்ணீர் சேர்த்து (2 கப் அரிசி 1_1/2 கப் பருப்பு மொத்தம் 3_1/2 கப் 1 கப்பிற்கு 4 கப் தண்ணீர் வீதம்) 2 ஸ்பூன் நெய் விட்டு குக்கரை மூடி 4 விசில் 5 நிமிடங்கள் வரை சிம்மில் வைத்து இறக்கவும்

ப்ரஷர் அடங்கியதும் திறந்து உப்பு சேர்த்து நன்கு மசித்து விடவும் (கரண்டியால் கிளறினாலே மசிந்து விடும்) சாதம் சூடாக இருக்கும் போதே 150 மில்லி நெய் விட்டு நன்றாக கலந்து கொள்ளவும்

பின் மீண்டும் சிறிது நெய் விட்டு சூடானதும் சீரகம் சேர்த்து பொரிய விடவும் பின் மிளகு சேர்த்து படபடவென வெடிக்கும் வரை மெல்லிய தீயில் வைத்து நன்றாக கிளறவும் மிளகு வெடித்தால் நன்கு மணம் வரும்

பின் முந்திரி சேர்த்து பொன்னிறமாக வறுக்கவும் பின் கறிவேப்பிலை சேர்த்து வதக்கவும்

அடுப்பை மெல்லிய தீயில் வைத்து கருகவிடாமல் வறுக்கவும்

பின் ரெடியாக உள்ள பொங்கலில் கொட்டவும்

அடுப்பை மெல்லிய தீயில் வைத்து 10 நிமிடங்கள் வரை நன்றாக கலந்து விடவும் பின் மீதமுள்ள நெய்யை மேலே ஊற்றி கிளற வேண்டாம் தளதளன்னு இருக்கும் போது அப்படியே இறக்கவும் மிகவும் இறுகவிட வேண்டாம் ஆறியதும் கல் மாதிரி ஆகி விடும் பால் சேர்த்து செய்திருப்பதால் மிகவும் நன்றாக இருக்கும்

சுவையான ஆரோக்கியமான மணமான வெண் பொங்கல் ரெடி