வெஜ் பிரியாணி

அடுப்பில் ஒரு குக்கரை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் பட்டை, கிராம்பு, சோம்பு போட்டு தாளிக்கவும். பிறகு பொடியாக நறுக்கிய பெரிய வெங்காயம், பச்சை மிளகாயை போட்டு வதக்கவும். பிறகு ஒரு ஸ்பூன் இஞ்சி பூண்டு விழுதை போட்டு வதக்கவும்.

பிறகு பொடியாக நறுக்கிய தக்காளி போட்டு வதக்கவும். பிறகு பொடியாக நறுக்கிய கேரட், பீன்ஸ் போட்டு ஒரு நிமிடம் வதக்கவும். பிறகு தேவையான அளவு உப்பு போட்டு ஒரு கொத்து கொத்தமல்லி இலைகளை போட்டு வதக்கவும்.

ஒரு ஸ்பூன் மிளகாய்த் தூளை போட்டு வதக்கவும். பிறகு ஊற வைத்திருக்கும் அரிசியை அதில் போட்டு ஒரு நிமிடம் வதக்கவும்.

பிறகு இரண்டு டம்ளர் தண்ணீர் ஊற்றி ஒரு ஸ்பூன் நெய் ஊற்றி ஒரு நிமிடம் கொதிக்கவிடவும். பிறகு குக்கரை மூடி 3 விசில் விட்டு 5 நிமிடம் அடுப்பை சிம்மில் வைத்து பிறகு அடுப்பை நிறுத்தி பரிமாறவும்.