முட்டை போண்டா

முதலில் முட்டை வேக வைத்து, முட்டையின் ஓட்டை நீக்கி தனியாக வைத்துக் கொள்ள வேண்டும்.

பின் அதனை இரண்டாகவோ அல்லது முழுமையாகவோ பயன்படுத்தலாம்.

பின்னர் ஒரு பௌலில் கடலை மாவு, மிளகாய் தூள், உப்பு மற்றும் தண்ணீர் ஊற்றி, பஜ்ஜி மாவு பதத்திற்கு சற்று கெட்டியாக கலந்து கொள்ள வேண்டும்.

பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், முட்டையை கடலை மாவில் பிரட்டி, எண்ணெயில் போட்டு பொன்னிறமாக பொரித்து எடுக்க வேண்டும்.

இப்போது சூப்பரான முட்டை போண்டா ரெடி!!! இதனை கொத்தமல்லி சட்னி அல்லது தக்காளி சாஸ் உடன் சாப்பிடலாம்.