1கப் கடலைப்பருப்பு, 1/2கப் பட்டாணி பருப்பு இரண்டையும் நன்கு கழுவி இரண்டு மணி நேரம் ஊறவிடவும். வாழைப்பூவை சுத்தம் செய்து பொடியாக நறுக்கி தண்ணீரில் சேர்த்து வைக்கவும்.1 பெரிய வெங்காயம் பொடியாக நறுக்கி வைக்கவும், ஒரு கைப்பிடி கறிவேப்பிலையை கழுவி பொடியாக நறுக்கி வைக்கவும்.2 பச்சை மிளகாயை பொடியாக நறுக்கி வைக்கவும்.

மிக்ஸி ஜாரில் 6பல் பூண்டு, 1 துண்டு இஞ்சி, 6 வரமிளகாய், ஊற வைத்த பருப்பையும் சேர்த்து நன்கு அரைத்து விடவும். நறுக்கிய வாழைப்பூவை,1/4 மஞ்சள் தூள், உப்பு சேர்த்து ஒரு கொதிவிட்டு தண்ணீரை பிழிந்து மிக்ஸியில் சேர்த்து சிறுது கொரகொரப்பாக அரைத்து, அரைத்து வைத்த பருப்பில் சேர்க்கவும். அதனுடன் உப்பு, நறுக்கிய வெங்காயம்,1 டீஸ்பூன் சோம்பு, பச்சை மிளகாய், கறிவேப்பிலை சேர்த்து நன்கு பிசைந்து வைக்கவும்.

கடாயில் ஆயிலை சூடேற்றி, வாழைப்பூ வடைகளை பொன்னிறமாக சுட்டு எடுக்கவும். சுவையான வாழைப்பூ வடை ரெடி. 😋😋 சாம்பாருடன் தொட்டு சாப்பிட அருமையாக இருக்கும்.