முதலில் வாழைப்பூவை நடுவில் உள்ள நரம்பினை அகற்றி ஆய்ந்து, மோரில் சிறிது உப்பு சேர்த்த தண்ணீரில், பொடி பொடியாக நறுக்கி,பூவை தண்ணீரில் போட்டு கலந்து வைத்தால் வாழைப்பூ கலர் மாறாமல் இருக்கும். பின்னர் வாழைப்பூவை தண்ணீர் இல்லாமல் பிழிந்து எடுத்து அதில் கடலைமாவு சேர்க்கவும்.

பின் அரிசி மாவு சேர்க்கவும்.அதனுடன் இஞ்சி பூண்டு பேஸ்ட், சோம்பு தூள், மிளகாய் தூள், மஞ்சள் தூள், மிளகு தூள், கறிவேப்பிலை, கொத்தமல்லி இலை சேர்த்து உப்பு சேர்த்து நன்கு பிசைந்து கொள்ளவும். தேவைப்பட்டால் சிறிது தண்ணீர் தெளித்து கொள்ளலாம்.

பிசைந்தை சிறு உருண்டைகளாக உருட்டி, வடைகளாக தட்டி, எண்ணெய் போட்டு பொரித்து எடுக்கவும்.

பொரித்து எடுத்த வடைகளை இரண்டு மூன்றாக உதிர்த்து விடவும்.

பின் அதே வாணலியில் உள்ள எண்ணெயில் கடுகு, கடலைப்பருப்பு, கறிவேப்பிலை சேர்த்து தாளித்து நீளமாக நறுக்கிய வெங்காயம் சேர்த்து வதக்கவும்.

பின் இஞ்சி பூண்டு பேஸ்ட் சேர்த்து, மிளகாய் தூள், மல்லித்தூள், சோம்புத்தூள், கரம்மசாலா தூள், மிளகு தூள் சேர்த்து வதக்கவும். பின் தக்காளி விழுதை சேர்த்து, சிறிது தண்ணீர் விட்டு கொதிக்க விடவும்.

இப்போது வாழைப்பூ வடைகளை சேர்த்து கலந்து விடவும். சிறிது கொத்தமல்லி இலை சேர்த்து வதக்கவும். ஒரு நிமிடம் கலந்து வேகவிடவும்.

பின்னர் தேங்காய் பால் சேர்த்து சிறிது தண்ணீர் கலந்து விட்டு கொதிக்க விடவும்.

நன்கு சுண்டியவுடன், உப்பு பதம் பார்த்து, சிறிது கொத்தமல்லி இலை தூவி பரிமாறவும்.

இதனை இட்லி, தோசை, சப்பாத்தி உடன் பரிமாறலாம்.