அரைகிலோ உருளைக்கிழங்கை தண்ணீரில் நன்றாக அலசி விட்டு குக்கரில் வேக வைத்து எடுத்துக் கொள்ளவும்

ஆறிய பிறகு வேக வைத்த உருளைக்கிழங்கின் தோலை நீக்கிவிட்டு நன்றாக கட்டி இல்லாமல் மாவு போல் மசித்து எடுத்துக் கொள்ள வேண்டும்

மசித்து வைத்த உருளைக்கிழங்கில் நாம் பொடியாக நறுக்கி வைத்துள்ள வெங்காயத்தையும் கொத்துமல்லியையும் சேர்க்கவேண்டும்

அதனுடன் ஒரு டேபிள்ஸ்பூன் மிளகாய்த்தூள் அரை டேபிள்ஸ்பூன் கரம் மசாலா தூள் மற்றும் தேவையான அளவு உப்பு சேர்க்க வேண்டும்

200கிராம் பிரட் தூள்களை எடுத்துக் கொள்ளவேண்டும் அதிலிருந்து 8 டேபிள்ஸ்பூன் அளவிற்கு நாம் கலந்து வைத்துள்ள உருளைக்கிழங்கு கலவையில் சேர்க்க வேண்டும்

அடுத்து இரண்டு கைகளிலும் எண்ணைய் தடவி விட்டு நாம் விரும்பிய வடிவத்தில் அதனை உருட்டி எடுத்துக் கொள்ளலாம்

அடுத்ததாக 4 டேபிள்ஸ்பூன் அளவிற்கு கான்பிளவர் மாவுடன் அரை டம்ளர் தண்ணீர் சேர்த்து நன்றாக கலந்து விட்டு கொள்ளவேண்டும் கட்டி விழுகாமல் பார்த்துக் கொள்ளவும்

நாம் உருட்டி வைத்த துண்டுகளை ஒவ்வொன்றாக எடுத்து கான்பிளவர் மாவு கலந்து வைத்துள்ள கலவையில் ஒருமுறை முக்கி எடுத்து பிறகு அதனை நாம் மீதம் வைத்துள்ள பிரட் தூள்களில் ஒரு முறை புரட்டி எடுத்து வைத்துக்கொள்ள வேண்டும்

எண்ணெய் சூடானதும் எண்ணெயில் சேர்த்து எல்லா புறமும் பொன்னிறமாகும் வரை பொரித்து எடுத்து எண்ணெய் வடிய ஒரு வடி தட்டில்‌ வைக்க‌வேண்டும்