வெங்காயத்தை நீளவாக்கில் நறுக்கவும்.

அரிசியை 10 நிமிடம் ஊற வைக்கவும்.இஞ்சி,பூண்டு,ப.மிளகாயை அரைத்துக் கொள்ளவும்.முதலில் மிக்ஸியில் வெற்றிலையை போடவும்.

புதினாவை போடவும்.பிறகு கொத்தமல்லி,அடுத்து, துளசியை போடவும்.

கறிவைப்பிலையை போட்டு அனைத்தையும் மிக்ஸியில் சிறிது தண்ணீர் விட்டு மைய அரைக்கவும்.குக்கரில் சிறிது நெய்,எண்ணெய் விடவும்.

எண்ணெய்,நெய் காய்ந்ததும்,பட்டை,கிராம்பு,ஏலக்காய்,பிரிஞ்சி இலை போடவும்.இஞ்சி,பூண்டு,ப.மிளகாய் விழுது போட்டு வதக்கவும்.பிறகு வெங்காயம்,உப்பு போடவும்.

வெங்காயம் கண்ணாடி போல் வரும்வரை வதக்கி, ஊற வைத்த அரிசியின் தண்ணீரை அளந்து தனியாக வைத்துவிட்டு அரிசியை குக்கரில் போட்டு ஒரு பிரட்டு பிரட்டவும்.இப்போதுஅளந்த தண்ணீர்,சிறிது எண்ணெய் விடவும்.

அரைத்த மூலிகை விழுதை போடவும்.ஒன்றுசேர கிளறினதும்,குக்கரை மூடி போட்டு மூடவும்.

ஒருவிசில் வந்ததும் அடுப்பை அணைத்து விடவும். ஸ்டீம் போனதும் குக்கரை திறக்கவும்.இப்போது உதிர்உதிரியான,*மூலிகை பிரியாணி *,தயார்.செய்து பார்த்து அசத்தவும்.இதற்கு ஆனியன் ரெய்த்தா சரியான காம்பினேஷன்.