மோதகம்(modak recipe in tamil)

இது நான் இடியாப்ப மாவு பயன்படுத்திதான் செய்துள்ளேன்... முதலில் மாவை ஒரு பாத்திரத்தில் சேர்த்து அதில் உப்பை சேர்த்து கலந்து விடவும்.. மற்றொரு பாத்திரத்தில் தேவையான அளவு தண்ணீர் எடுத்து நன்றாக கொதிக்க வைக்கவும்.. அதை மாவில் சிறிது சிறிதாக ஊற்றி நன்றாக கரண்டி வைத்து கலந்து விடவும்

கடலைப்பருப்பை மூன்று மணி நேரம் ஊற வைத்து நன்றாக வேக வைத்துக் கொள்ளவும்... வேகவைத்த கடலைப் பருப்பை மிக்சியில் போட்டு நன்றாக பொடி செய்து கொள்ளவும்...

வெல்லத்தை தண்ணீர் விட்டு கரைத்து கொள்ளவும்... அதை கடலை பருப்புடன் சேர்த்துக் கலந்து அடுப்பில் வைத்து நன்றாக சுருண்டு வரும் வரை வதக்கவும்.. ஏலக்காய் தூளையும் சேர்க்கவும்.. இப்போது பூரணம் தயார்

மாவு ஆறியதும் கொழுக்கட்டை அச்சில் அந்த மாவை வைத்து அதில் நடுவே பூரணத்தை வைத்து மூடி அச்சில் இருந்து வெளியே எடுத்த பிறகு ஆவியில் வேகவிடவும்.. வெந்ததும் சூடாக பரிமாறவும்

இப்போது சுவையான மோதகம் தயார்...