இரண்டு கைப்பிடி அளவு புதினா இலையை ஆய்ந்து எடுத்துக் கொள்ளவும் அவற்றை தண்ணீரில் நன்கு கழுவி சுத்தம் செய்து கொள்ளவும்.கடுகு உளுத்தம்பருப்பு கடலைப்பருப்பு இஞ்சி10 முந்திரி, ரவை, தயிர் எண்ணெய் மற்றும் சோடா உப்பு எடுத்து வைத்துக் கொள்ளவும்.வாணலியில் ஒரு ஸ்பூன் எண்ணெய் விட்டு கடுகு உளுத்தம்பருப்பு கடலைப்பருப்பு இஞ்சி துருவல் மற்றும் ரவை சேர்த்து நன்கு சூடு ஏற வாசம் வர வறுத்துக்கொள்ளவும்.

வறுத்த ரவை உடனே வேறு தட்டிற்க்கு மாற்றி நன்கு ஆற வைத்துக் கொள்ளவும்.ஒரு ஸ்பூன் நெய் சேர்த்து முந்திரி பருப்பை வறுத்து எடுத்து தனியாக வைத்துக்கொள்ளவும்.

ஒரு ஸ்பூன் எண்ணெய் விட்டு அதில் ஒரே ஒரு பச்சை மிளகாய் மற்றும் புதினா தழை சேர்த்து புதினா வாசம் வர வதக்கிக் கொள்ளவும். (மிளகாய் அ ரிந்து சேர்க்கலாம், எப்போதும் செய்யும் ரவா இட்லி என்றால்.ஆனால் புதினா இட்லியில் மிளகாய் இருப்பது தெரியாது. அதனால் ஒரே ஒரு மிளகாயை புதினா வண க்கும் போது சேர்த்து வதக்கி கொள்ளவும்.) இவற்றை மிக்ஸியில் நைசாக அரைத்துக் கொள்ளவும். இதை அரை கப் தயிரில் சேர்த்து நன்கு தயிரை கலந்து கொள்ளவும். இதனுடன் ஒரு ஸ்பூன் உப்பு சேர்த்து கலந்து வைத்துக் கொள்ளவும்.

ஆறிய ரவையை தயிரில் சேர்த்து நன்கு கலந்து வைத்துக் கொள்ளவும் தேவை என்றால் கொஞ்சமாக தண்ணீர் சேர்த்து கலந்து கொள்ளவும். அரை மணி நேரம் வரை ஊற வைக்கவும்(. (இன்றுஅவசரம் என்பதால் 20 நிமிடங்கள்தான் ஊற வைத்தேன் இருந்தும் இட்லி மிகவும் மிருதுவாக இருந்தது.) இப்பொழுது கரண்டியில் கலந்து விட்டு இட்லி ஊற்றும் பதம் பார்த்துக் கொள்ளவும். தேவை என்றால் மீண்டும் கொஞ்சமாக தண்ணீர் சேர்த்து அள்ளி வைக்கும் பதத்திற்கு கரைத்துக் கொள்ளவும். ஒரு சிட்டிகை சோடா உப்பு கடைசியாக சேர்த்து கலக்கவும்.

கொஞ்சம் கொத்தமல்லி தலை சேர்த்து கலந்து கொள்ளவும்.இப்போது இட்லி பானையை அடுப்பில் வைத்து தேவையான அளவு தண்ணீர் வைத்து கொதிக்க விடவும். இட்லி தட்டில் எண்ணெய் தடவி அதில் ஒரு ஒரு முந்திரிப்பருப்பை வைக்கவும்.பிறகு மீதமுள்ள முந்திரிப்பருப்பை உடைத்து ரவை கலவையில் கலந்து வைத்துக் கொள்ளவும். இப்போது இட்லியை கரண்டியில் அள்ளி இட்லி குளியில் வைக்கவும்.

மூடி போட்டு 10 நிமிடம் வரை வேக விடவும். பிறகு திறந்து பார்த்து வெந்துவிட்டதா என்று செக்செய்து கொள்ளவும். வெந்து இருந்தால் இட்லியை வேறு பாத்திரத்திற்கு எடுத்து மாற்றிக் கொள்ளவும். தொட்டுக்கொள்ள புளி சட்னி தேங்காய் சட்னி சாம்பார் மிகவும் சுவையாக இருக்கும். புதினா வாசத்துடன் இந்த ரவா இட்லி கலர்ஃபுல்லாக மிகவும் நன்றாக இருந்தது.