வரகு அரிசியை நன்கு களைந்து கொள்ளவும்.காய்கறிகளை சுத்தம் செய்து நறுக்கிக் கொள்ளவும்.

தேங்காயை சிறு துண்டுகளாக நறுக்கவும்.மிக்ஸியில் தேங்காய், ப.மிளகாய், முந்திரியை நன்கு அரைத்துக் கொள்ளவும்.குக்கரில் நெய், எண்ணெய் காய்ந்ததும், சோம்பு போடவும்.

பிறகு, பிரிஞ்சி இலை, பட்டை, கிராம்பு, அன்னாசி பூ போட்டு வதக்கவும்.வெங்காயம், உப்பு போட்டு பொன்னிறமாக வதக்கவும்.

தக்காளி, ம.தூள் போடவும்.பின் கோஸ், உருளைகிழங்கு, காஷ்மீரி மி.தூள் போட்டவும்.

ஒன்று சேர வதக்கவும்.சிறிது வதங்கியதும், அரைத்த விழுதை போடவும்.பிறகு 3 கப் தண்ணீர் விட்டு கறிவேப்பிலை போடவும்.

தண்ணீர் கொதித்ததும் களைந்த வரகு அரிசியை போடவும்.குக்கரை மூடி போட்டு மூடி,2 விசில் விடவும்

மூடியை திறந்துவிட்டு பிரியாணியை பௌலில் மாற்றவும்.இப்போது, சுடசுட,* வரகு வெஜ் பிரியாணி* தயார்.பிரியாணி மேல் முந்திரியை வைத்து அலங்கரிக்கவும்.இது ஆரோக்கியமான பிரியாணி.செய்து பார்த்து அசத்துங்கள்.