தக்காளியை நறுக்கி பாதியாக பிரித்துக் கொள்ளவும். வெங்காயத்தை நறுக்கிக் கொள்ளவும்.கடாயில் ந.எண்ணெய் காய்ந்ததும், கடுகு போடவும்.

கடுகு வெடித்ததும், உ.பருப்பு போடவும்.பருப்பு சிவந்ததும், வெங்காயம், உப்பு போட்டு வதக்கவும்.பின் நறுக்கின தக்காளியில் பாதியை போடவும்.

தக்காளி வதங்கியதும், ம.தூள், காஷ்மீரி மிளகாய் தூள் போடவும்.சி.மிளகாயை தாளிக்கவும்.மிக்ஸி ஜாரில்,மீதமுள்ள நறுக்கின தக்காளி போடவும்.

பின் நன்கு அரைக்கவும்.வதக்கினதில் அரைத்த தக்காளி விழுதை போடவும்.

நன்கு கலந்து அடுப்பை சிறியதில் வைத்து கொதிக்க விடவும்.எண்ணெய் பிரிந்து வந்ததும், அடுப்பை நிறுத்தி விட்டு, கறிவேப்பிலை, பெருங்காயத்தூள், போட்டு,ஒன்று சேர கலந்து இறக்கவும்.பிறகு பௌலில் மாற்றவும்.

இப்போது, சுவையான, கலர்ஃபுல்லான,* தக்காளி கொத்சு* தயார். இது இட்லி,உப்புமா, தோசைக்கு தொட்டு சாப்பிட நன்றாக இருக்கும்.சுடு சாதத்தில் நெய் விட்டும் சாப்பிடலாம்.செய்து பார்த்து அசத்தவும்.