ராகி சேமியா(ragi semiya recipe in tamil)

ஒரு தக்காளி ஒரு வெங்காயம் இரண்டையும் பொடியாக அரிந்து கொள்ளவும். பச்சை மிளகாய் பொடியாக அ ரிந்து கொள்ளவும். ஒரு எலுமிச்சை பழத்தை பிழிந்து சாறு எடுத்துக் கொள்ளவும். தாளிக்கத் தேவையான எண்ணெய்,கடுகு உளுத்தம்பருப்பு, கடலைப்பருப்பு, கறிவேப்பிலை,கொத்தமல்லி அனைத்தையும் எடுத்துக் கொள்ளவும். முதலில் ராகி சேமியாவை ஒரு முறை தண்ணீரில் கழுவி விட்டு மீண்டும் தண்ணீர் இரண்டு டம்ளர் ஊற்றி தூள் உப்பு சேர்த்து கலந்து விட்டு 10 நிமிடம் வரை ஊற வைக்கவும். பாக்கெட்டில் 5 நிமிடம் ஊற வைக்க சொல்லி இருப்பார்கள்.

ஆனால் 10 நிமிடம் ஊற வைத்தால் உப்புமா தாளித்த பிறகு மிகவும் மிருதுவாக இருக்கும்.பத்து நிமிடம் ஊறிய ராகி சேமியாவை நன்கு தண்ணீர் வடித்து விட்டு தனியாக வைக்கவும்.ஒரு இட்லி பானையில் தேவையான அளவு தண்ணீர் ஊற்றி இட்லித் தட்டு வைத்து தண்ணீர் வடித்து ராகி சேமியாவை அதில் பரவலாக வைக்கவும். மூடி போட்டு மூடி வைத்து 10 நிமிடம் வரை வேக விடவும். தண்ணீர் கொதித்து பிறகு இட்லி தட்டை வைத்தால் 7 நிமிடம் வெந்தால் போதும்.

சுவையான ஆரோக்கியமான டயட் சாப்பிடுபவர்களுக்கு ஏற்றதாக சேமியா உப்புமா தயார்.தேங்காய் சட்னி தொட்டுக் கொள்ள மிகவும் சுவையாக இருக்கும். சாம்பார் கூட தொட்டுக் கொள்ளலாம்.