முதலில் முட்டைகளை கழுவி 10-15 நிமிடம் வேகவைத்து எடுத்து கொள்ளவும்.

ஒரு கடாயில் மிதமான தீயில் வேர்கடலை முந்திரி எள்ளு கசகசா தேங்காய் சேர்த்து லேசாக வறுத்து கொள்ளவும். பின் ஆறியதும் இதனோடு வறுத்த வெங்காயம் சேர்த்து நைசாக அரைத்து எடுத்து கொள்ளவும்.

ஒரு கடாயில் எண்ணெய் ஊற்றி சிறிது மஞ்சள் தூள் மிளகாய் தூள் கரம் மசாலா மல்லி தூள் உப்பு சேர்த்து கிளறி அதில் முட்டை சேர்த்து 2 நிமிடம் கழித்து தனியே எடுத்து கொள்ளவும்.

கடாயில் எண்ணெய் ஊற்றி சீரகம் பட்டை கிராம்பு ஏலக்காய் பிரியாணி இலை சேர்த்து பொறிந்ததும் நறுக்கிய வெங்காயம் பச்சை மிளகாய் கறிவேப்பிலை சேர்த்து வதக்கவும். உப்பு மற்றும் மஞ்சள் தூள் சேர்த்து வதக்கவும்.

வெங்காயம் வதங்கியதும் இஞ்சி பூண்டு விழுது சேர்த்து வதக்கவும். பின் குழம்பிற்க்கு தேவையான மிளகாய் தூள் மல்லி தூள் கரம் மசாலா உப்பு சேர்த்து வதக்கவும். இப்போது அரைத்து எடுத்த விழுதை சேர்த்து வதக்கவும். பின் தக்காளி சேர்த்து வதக்கி பின் குழம்பிற்க்கு தேவையான க தண்ணீர் ஊற்றவும்.

15 நிமிடம் கழித்து குழம்பு சுண்டி வரும் போது முட்டை சேர்த்து 5 நிமிடம் கழித்து புதினா கொத்தமல்லி இலை சேர்த்து இறக்கவும்.