முதலில் மேற்கூறிய எல்லா காய்களையும் பொடியாக அரிந்து கொள்ளவும்.பச்சை பட்டாணியை கழுவி எடுத்து வைத்துக்கொள்ளவும். தக்காளியை நன்கு பொடியாக அரிந்து கொள்ளவும். நான் வெங்காயம் சேர்க்கவில்லை தங்கள் விருப்பம் என்றால் வெங்காயம் சேர்த்துக் கொள்ளலாம். இப்போது என்னுடைய சமையலில் வெங்காயம் பூண்டு வகைகளை அதிகமாக தவிர்த்து வருகிறேன்.புதினா ஒரு கைப்பிடி க்கு மேலாக கழுவி எடுத்து வைத்துக்கொள்ளவும் தேங்காய் பொட்டுகடலை மற்ற சாமான்களை எடுத்து வைத்துக்கொள்ளவும் அரைத்துக் கொள்ள.

வாணலியில் ஒரு ஸ்பூன் எண்ணெய் விட்டு அதில் முந்திரி பருப்பு பச்சை மிளகாய் இஞ்சி,புதினா இலை ஆகியவற்றை நன்கு வதக்கிக் கொள்ளவும். தேங்காய் பொட்டுகடலை பட்டை லவங்கம் கல்பாசி கசகசா சோம்பு ஆகிய அரைக்க கூறிய எல்லா பொருட்களையும் வதக்கிய புதினா மிளகாய் சாமானுடன் சேர்த்து கொஞ்சமாகத் தண்ணீர் விட்டு நைஸாக அரைத்துக் கொள்ளவும்

இப்போது அதே வாணலியில் மீதி எண்ணையை சேர்த்து அதில் பொடியாக அரிந்த தக்காளியை முதலில் நன்கு வதக்கிக் கொள்ளவும். பிறகுபட்டாணி பீன்ஸ் கேரட் உருளைக்கிழங்கு குடைமிளகாய் அனைத்தையும் சேர்த்து ஒரு நிமிடம் வதக்கிக் கொள்ளவும். தேவையான உப்பு சேர்த்து தண்ணீர் சேர்த்து மூடி வைத்து நன்கு வேகவிடவும்.காய் நன்கு வெந்தவுடன் அரைத்த தேங்காய் விழுதை வெந்த காயில் சேர்க்கவும். மூடி வைத்து 3 நிமிடம் நன்கு கொதிக்க விடவும்.

கடைசியாக பொடியாக அரிந்த கொத்தமல்லித் தழை சேர்த்து இறக்கவும். பூரி சப்பாத்தி நான் போன்ற டிபனுக்கு தொட்டுக் கொள்ள சுவையாக இருக்கும்.

நான் இரவு சப்பாத்திக்கு இந்த புதினா சேர்த்த குருமாவை செய்தேன்.