கேரட், பீன்ஸ், குடமிளகாய், காலிஃப்ளவர், உருளைக்கிழங்கு ஆகியவற்றை சிறிது சிறிதாக நறுக்கிக் கொள்ளவும்.

மிக்ஸியில் வெங்காயம், தக்காளி, துருவிய தேங்காய், ஊற வைத்த பாதாம், பெருஞ்சீரகம், கசகசா, பச்சை மிளகாய், பட்டை, கிராம்பு, ஏலக்காய், பிரியாணி இலை, மஞ்சள் தூள் ஆகியவற்றை சேர்த்து நன்றாக அரைத்துக் கொள்ளவும்.

குக்கரில் நல்லெண்ணெய் சேர்த்து சூடான பின்பு பிரியாணி இலை, ஏலக்காய், கேரட், பீன்ஸ், உருளைக்கிழங்கு, காலிஃப்ளவர், பச்சை பட்டாணி, உப்பு சிறிதளவு ஆகியவற்றை சேர்த்து நன்கு வதக்கவும்.

காய்கறிகள் நன்கு வதங்கிய பின்பு, அரைத்து வைத்துள்ள மசாலாவை சேர்க்கவும், தேவையான அளவு உப்பு, தண்ணீர் சேர்த்து குக்கரை மூடவும்.

குக்கரில் 2 அல்லது 3 விசில் விட்டு இறக்கவும். நறுக்கி வைத்துள்ள கொத்தமல்லியை மேலாகத் தூவவும்.

சுவையான மற்றும் கலர்ஃபுல்லான காய்கறி குருமா தயார். குருமாவை பூரி, சப்பாத்தி, தோசை, இட்லி ஆகியவற்றுடன் உண்ணலாம்.