மிக்ஸியில் அரைப்பதற்கு பச்சை மிளகாய் 3,சோம்பு 1/2 டீஸ்பூன்,இஞ்சி 1 துண்டு பூண்டு 6 பல் தண்ணீர் சிறிது சேர்த்து அரைத்து வைக்கவும்.

தாளிக்க பட்டை 1,கிராம்பு 2,ஏலக்காய் 1 எடுத்து வைக்கவும்.காய்ந்த பட்டாணி 1 கை ஊறவிட்டு குக்கரில் வேக விடவும்.காலிஃளார் 6 துண்டுகள் தண்ணீரில் உப்பு சேர்த்து கழுவி வேக விடவும்.

கேரட் 1,பீன்ஸ் 5,பெரிய வெங்காயம் 1, தோல் நீக்கி கழுவி பொடியாக நறுக்கி வைக்கவும்.வெந்த பட்டாணி காலிஃளார் தண்ணீர் வடித்து வைக்கவும்.மிக்ஸியில் 1/2 கப் தேங்காய் துருவல்,1 டேபிள் ஸ்பூன் பொட்டுக்கடலை சேர்த்து நைசாக அரைத்து வைக்கவும்.

குக்கரில் 3 டேபிள்ஸ்பூன் ஆயில் விட்டு பட்டை,கிராம்பு ஏலக்காய் தாளித்து நறுக்கிய பெரிய வெங்காயம் சேர்த்து வதக்கி தக்காளி 2 நறுக்கியது சேர்த்து வதக்கி சோம்பு இஞ்சி பூண்டு பச்சை மிளகாய் அரைத்த விழுதை சேர்த்து பச்சை வாசனை நீங்கியவுடன் நறுக்கிய காய்கறி உப்பு சேர்த்து வதக்கி தண்ணீர் விட்டு 1 விசில் வேக விடவும்.

குக்கர் திறந்து தேங்காய் பொட்டுக்கடலை அரைத்த விழுதை சேர்த்து கலக்கி 5 நிமிடம் கொதிக்க விடவும். சுவையான வெஜிடபிள் குருமா ரெடி.சப்பாத்திக்கு ஏற்றது.😋😋