சம்பா பச்சரிசி, சிவப்பரிசி வகையைச் சேர்ந்தது.இப்பொழுயதும் என் அம்மா வீட்டில் சம்பா அரிசி சாதம் தான்செய்வார்கள்.

அரிசி மூழ்கும் அளவு தண்ணீர் சேர்த்து,ஒரு முறை கையால் கலக்கினால் அரிசியில் உள்ள தூசி,எறும்பு ஆகியன மேலே மிதந்துவிடும்.அவற்றை அப்படியே தெளிந்தாற்போல் வடித்து விடவும்.

அரிசி கழனி பிசையக் கூடாது.

பானைக்கு முக்கால் பங்கு தண்ணீர் ஊற்றி அதில் அரிசியை சேர்த்து அதிக தீயில் கொதிக்க விடவும்.

நேரம் ஆக ஆக, தண்ணீர் கொதித்து, வெளியே பொங்கி வரும்.பொங்கி வழியும் திசை கணக்கிடுவது முன்னோர்களின் வழக்கம்.

இனி எல்லாம் நலமே! என்று,"பொங்கலோ பொங்கல்"சொல்லி தீயைக் குறைத்து நன்கு கலந்து விட வேண்டும்.

இனி,மீடியம் தீயில் வைத்து அரிசி வேகத் தேவையான அளவு மட்டும் வைத்து விட்டு,மீதமுள்ள தண்ணீரை பானையிலிருந்து எடுத்துக்கொள்ளலாம்.

மீதமுள்ள தண்ணீரில் அரிசி நன்றாக குழைவாக வேக வைக்க வேண்டும்.தண்ணீர் வேண்டுமென்றாலும் எடுத்து வைத்துள்ள தண்ணீரில் இருந்து சேர்த்துக் கொள்ளலாம்.

அவ்வளவுதான். சுவையான வெண் பொங்கல் சாதம் ரெடி. சாம்பாருடன் சாப்பிட,அருமையாக இருக்கும்.