முதலில் உளுந்தை ஒரு மணி நேரம் நன்றாக ஊற வைக்கவும்... ஊறியதும் சிறிது தண்ணீர் தெளித்து வடை பதத்திற்கு அரைக்கவும்.. தண்ணியாக இருக்க கூடாது கெட்டியாக இருக்க வேண்டும்...

அரைத்த மாவை ஒரு அகலமான தட்டில் சேர்த்து அதில் ஃபுட் கலரையும் சேர்த்து ஐந்து விரல்கள் கொண்டு வட்டமாக மாவை 15 நிமிடங்கள் நன்றாக தேய்க்க வேண்டும்... ஒரே பக்கமாக மட்டுமே தேய்க்கவேண்டும்... முன்னும் பின்னுமாக தேய்த்தால் ஜாங்கிரி ஹார்டாக இருக்கும்.. 15 நிமிடங்கள் கழித்து பார்த்தால் மாவு நன்றாக புசுபுசுவென்று இருக்கும்...

ஒரு பாத்திரத்தில் சர்க்கரையை சேர்த்து மூழ்கும் அளவு தண்ணீர் விட்டு நன்றாக ஒரு கம்பி பதத்திற்கு காய்ச்சவும்

அதில் ஃபுட் கலர் எலுமிச்சைச்சாறு ஏலக்காய் தூள் சேர்க்கவும்... எலுமிச்சை சாறு எதற்காக என்றால் சர்க்கரை பாகு இறுகி விடாமல் இருப்பதற்காக..

எண்ணையை அடி தட்டையான கடாயில் விடவும்.. குழிவான கடாயில் எண்ணெய் விட்டால் புழியும் போது ஷேப் சரியாக வராது.. மாவுடன் கார்ன்ஃப்ளாரையும் சேர்த்து நன்றாக கலக்கவும்.. ஜாங்கிரி செய்வதற்கு என்றே ஒரு துணி உண்டு அதில் சிறிய ஓட்டை போட்டு வைத்திருப்பார்கள் அந்தத் துணியில் ஜாங்கிரி மாவை சேர்க்கவும்..

கடாயில் அதிக எண்ணெய் ஊற்றக் கூடாது ஒரு இன்ச் அளவு இருந்தாலே போதுமானது.. அதில் ஜாங்கிரி முதலில் இரண்டு சுற்றுகள் சுற்றி பிறகு குட்டி குட்டி சுற்று சுற்றினால் ஜாங்கிரி தயாராகிவிடும்

நான்கைந்து ஜாங்கிரிகளைப் பொரித்து எடுக்கலாம்

பொரித்தெடுத்த ஜாங்கிரிகளை சூடான சர்க்கரைப் பாகில் சேர்த்து ஐந்து நிமிடங்கள் ஊற வைத்து எடுத்தால் ஜாங்கிரி தயார்

இதே மாவை குட்டி குட்டியாக செய்தால் மினி ஜாங்கிரி தயார்

இப்போது அருமையான சாப்டான ஜாங்கிரி தயார்..