பச்சரிசி புழுங்கல் அரிசி கடலைப்பருப்பு உளுத்தம்பருப்பு துவரம்பருப்பு பாசிப்பருப்பு ஆகியவற்றை ஒன்றாக சேர்த்து மூன்று அல்லது நான்கு முறை கழுவி தண்ணீரை வடிகட்டி பின் மீண்டும் நல்ல தண்ணீர் ஊற்றி 3 மணி நேரம் வரை ஊறவிடவும் பின் ஒரு முழு பெரிய தேங்காயை துருவி கொள்ளவும்

வெல்லத்துடன் தண்ணீர் சேர்த்து கரைத்து வடிகட்டி கொள்ளவும்

பின் ஊறவைத்த அரிசி பருப்பு கலவை உடன் இடித்த ஏலக்காய் தேங்காய் துருவல் சேர்த்து கிரைண்டரில் போட்டு அரைக்கவும் தண்ணீர் பதிலாக வெல்ல கரைசலை சிறிது சிறிதாக சேர்த்து நன்கு அரைத்து எடுக்கவும் இதை ஒரு அரை மணி அல்லது ஒரு மணி நேரம் வரை மூடி வைக்கவும்

பின் நெய் விட்டு சூடானதும் முந்திரி சேர்த்து மெல்லிய தீயில் சிவக்க வறுக்கவும்

வறுத்த முந்திரியை மாவுடன் சேர்க்கவும் பின் அதே நெய்யில் திராட்சையை வறுத்து சேர்க்கவும்

பின் அதே நெய்யில் தேங்காய் துண்டுகளை வறுத்து கொட்டி மாவை நன்றாக கலந்து கொள்ளவும்

பின் குழியான வாணலியில் எண்ணெயை ஊற்றி சூடாக்கி மெல்லிய தீயில் மாவை சின்ன கரண்டியால் எடுத்து மெதுவாக தனித்து ஊற்றவும்

ஊற்றியதும் எதுவும் கரண்டி கொண்டு கிளற வேண்டாம் அதுவே அழகாக மேலெழும்பி வரும் அடுப்பை மெல்லிய தீயில் வைத்து வேகவிடவும் மேலெழும்பி வந்ததும் மெதுவாக திருப்பி விடவும்

இரண்டு புறமும் நன்றாக பொன்னிறமாக சிவந்ததும் எடுக்கவும் இது பருப்பு சேர்த்து இருப்பதால் மிகவும் சாஃப்ட் ஆக இருக்கும் எண்ணெயில் இருந்து எடுத்ததும் போணாடா மாதிரி இருக்கும் கரண்டி அல்லது கிண்ணம் வைத்து சூடாக இருக்கும் போதே அழுத்தி எண்ணெய் எடுத்து விடவும் வடிவமும் அழகாக கிடைக்கும் உள்ளே ஒவ்வொரு வாய்க்கும் முந்திரி திராட்சை தேங்காய் துண்டுகள் கிடைக்கும் போது மிகவும் நன்றாக இருக்கும்

சுவையான ஆரோக்கியமான செட்டிநாடு ஸ்பெஷல் ஐந்தரிசி பணியாரம் ரெடி