காஞ்சிபுரம் இட்லி

ஒரு கப் உளுத்தம்பருப்பு, ஒரு கப் இட்லி அரிசி, ஒரு கப் மாவு பச்சை அரிசி மூன்றையும் நன்றாக கழுவி ஒன்றாக ஊற வைத்துக் கொள்ளவும்.முதல் நாள் இரவே ஊற வைத்துக் கொள்ளவும்.மறுநாள் காலையில் ஏழு அல்லது எட்டு மணி அளவில் மூன்றையும் உப்பு சேர்த்து கரகரப்பாக அரைத்துக் கொள்ளவும். இந்த மாவை நன்கு கலந்துவிட்டு எட்டு மணி நேரம் புளிக்க விடவும்.

மாவு புளித்த பிறகு தேவையான பொருட்களை பக்கத்தில் எடுத்து வைத்துக் கொள்ளவும்.ஒரு வாணலியில் ஒரு டேபிள்ஸ்பூன் எண்ணெய் சேர்த்து அதில் கடுகு, உளுத்தம் பருப்பு, கடலைப் பருப்பு, பச்சை மிளகாய், இஞ்சி,கறிவேப்பிலை முந்திரிப்பருப்பு, அனைத்தையும் தாளித்து மாவில் கொட்டவும். இதனுடன் மிளகுத்தூள், சீரகத்தூள், சுக்கு தூள், மூன்றையும் சேர்த்துக் கொள்ளவும். துருவிய தேங்காய் துருவல் 2 டேபிள் ஸ்பூன் சேர்த்து கொள்ளவும். நன்றாக அனைத்தையும் கரண்டி கொண்டு போட்டு கலந்து விடவும்.

நாவை நன்றாக கலந்த பின் கடைசியாக இரண்டு சிட்டிகை சோடா உப்பு சேர்த்து மீண்டும் ஒருமுறை கலந்து கொள்ளவும். இட்லி ஊற்றும் பதத்திற்கு தேவை என்றால் நீர் சேர்த்து கலந்து கொள்ளவும். சாதாரண இட்லி மாவு பதத்திற்கு கரைக்கக் கூடாது. கொஞ்சம் கெட்டியாக கரைத்துக் கொள்ளவும். டம்ளர் அல்லது கப்புகளில் எண்ணெயைத் தடவி கலந்த மாவை ஊற்ற முக்கால் அளவிற்கு மாவை ஊற்றவும்.

இட்லி பானையில் தேவையான அளவு தண்ணீர் சேர்த்து இட்லி தட்டில் வைத்து ஆவியில் வேக விடவும் குறைந்த பட்சம் பத்து நிமிடத்தில் இருந்து 12 நிமிடம் வரை வேக விடவும். மீடியமான தீயில் வேக விடவும்.பிறகு வெந்துவிட்டதா என்று செக் செய்து விட்டு நன்கு ஆறவிட்டு கத்திக்கொண்டு கீனி இட்லியை தனியாக எடுக்கவும்.

இட்லியை தேவையான அளவில் கட் செய்து புளி சட்னி சட்னி சாம்பார் இவற்றுடன் தொட்டு சாப்பிட சுவையாக இருக்கும்.