காளானை சுத்தம் செய்து அலசி நீளவாக்கில் மெல்லியதாக நறுக்கிக் கொள்ளவும்

முட்டைக்கோஸை அதே போல் மெல்லியதாக நறுக்கவும்

பின் இரண்டையும் சேர்த்து உப்பு மிளகாய்த்தூள் கரம் மசாலா தூள் சேர்த்து நன்கு கலந்து கொள்ளவும் பின் மைதா மாவு கார்ன்ப்ளார் சேர்த்து நன்கு கலந்து கொள்ளவும் பின் சிறிது சிறிதாக தண்ணீர் தெளித்து பக்கோடா பதத்தில் பிசைந்து கொள்ளவும்

பின் சூடான எண்ணெயில் பரவலாக உதிர்த்து போட்டு பொன்னிறமாக பொரித்து எடுக்கவும்

சாஸ் செய்ய பட்டர் அல்லது எண்ணெய் விட்டு சூடானதும் பொடியாக நறுக்கிய பூண்டு பச்சைமிளகாய் சேர்த்து வதக்கவும் பின் பொடியாக நறுக்கிய வெங்காயம் சேர்த்து வதக்கவும் பின் சில்லி சாஸ் சோயா சாஸ் தக்காளி சாஸ் சேர்க்கவும்

சாஸ் எல்லாம் சேர்ந்து நன்றாக கலந்து கொதிக்க விடவும் பின் மிளகுத்தூள் கரம் மசாலா தூள் சாட்மசாலா தூள் சர்க்கரை சேர்த்து நன்கு கிளறவும் பின் கார்ன்ப்ளார் மாவுடன் தண்ணீர் சேர்த்து கட்டியில்லாமல் கரைத்து ஊற்றி நன்கு கிளறவும்

எல்லாம் சேர்ந்து நன்றாக கொதிக்க விடவும்

சற்று திக்கானதும் பொரித்த மஷ்ரூம் முட்டைக்கோஸ் பக்கோடாவை உதிர்த்து சேர்த்து நன்கு கிளறவும் இரண்டு கரண்டி கொண்டு நல்லா கொத்தி விட வேண்டும்

பின் கொத்தமல்லி தழை தூவி இறக்கவும் மேலே சிறிது வெங்காயம் தூவி சூடாக பரிமாறவும்