முதலில் வெறும் கடாயில் எண்ணெய் விடாமல் வெந்தயம் தனியா காய்ந்த மிளகாய் 3 தனித்தனியாக வறுத்துக் கொள்ளவும்..

கடாயில் எண்ணெய் விட்டு அதில் கடுகு தாளிக்கவும்.. அதனுடன் கடலை பருப்பு, உளுந்தம் பருப்பு, வேர்க்கடலை சேர்த்து பொன்னிறமாக வறுக்கவும்..

அதனுடன் மிளகாய்வற்றல், ஒரு கொத்து கறிவேப்பிலை, பெருங்காயம் சேர்த்து வறுக்கவும்..

எல்லாம் வறுபட்டதும் ஊற வைத்துள்ள புளியை கெட்டியாக கரைத்து வடிகட்டி அதனுடன் சேர்த்துக் கொதிக்க விடவும்.. உப்பும் சேர்க்கவும்..

நன்றாக கொதிக்கும் போது அதனுடன் மஞ்சள் தூள் ஒரு சிறிய துண்டு வெல்லம் விருப்பப்பட்டால் சேர்த்துக் கொள்ளலாம் இல்லை என்றால் விட்டுவிடலாம் வெல்லம் சேர்க்கும் போது உப்பு, காரம், புளிப்பு, இனிப்பு என எல்லாம் ஒன்றாக கலந்து சுவை நன்றாக இருக்கும்..

நன்றாக கொதித்து கெட்டியானதும் அடுப்பை அணைத்து விடவும்.. நாம் வறுத்து உள்ள பொருட்களை மிக்ஸியில் சேர்த்து லேசாக கொரகொரப்பாக பொடி செய்து கொள்ளவும்..

இப்பொழுது சிறிது புளி காய்ச்சலை எடுத்து சாதத்தையும் சேர்த்து நாம் பொடி செய்து வைத்துள்ள பொடியையும் சிறிது சேர்த்து நன்றாக கலந்து விடவும் தேவைப்பட்டால் சிறிது புளிக்காய்ச்சலை சேர்த்துக் கொள்ளலாம் முதலிலேயே அதிகமாக சேர்த்துவிட வேண்டாம்..

இந்த புளிக்காய்ச்சல் நீங்கள் ஃப்ரிட்ஜில் வைத்துக் கொண்டால் ஒரு மாதம் வரை கெட்டுப் போகாமல் நன்றாக இருக்கும்.. இப்போது சூடான சுவையான கோயில் புளியோதரை தயார்..