ஹைதராபாத் ஸ்டைல் முட்டை கிரேவி(hydrebad style egg gravy recipe in tamil)

தேவையான பொருட்களை எடுத்துக் கொள்ள வேண்டும்.

முட்டையை வேக வைக்கவும்.தக்காளியை அரைத்து விழுதாக்கவும்.

வெறும் வாணலியில், வேர்கடலை,கசகசா, முந்திரி,எள் சேர்த்து வறுத்து பின்,நறுக்கிய தேங்காய் சேர்த்து ஈரப்பதம் போக வறுத்து தனியே வைக்கவும்.

பின் வாணலியில், எண்ணெய் விட்டு மெல்லியதாக நறுக்கிய வெங்காயம் சேர்த்து பொன்னிறமாக வறுத்து ஆற வைக்கவும்.

வறுத்தவற்றை ஆற விட்டு,மிக்சி ஜாரில் அரைக்கவும்.இதனுடன் வதக்கிய வெங்காயம்.சேர்த்து தண்ணீர் விட்டு மையாக அரைக்கவும்.

கடாயில் எண்ணெய் விட்டு உப்பு,மஞ்சள் தூள்,மிளகாய் தூள் சேர்த்து கிளறி வேக வைத்த முட்டையை கீறி சேர்த்து நன்றாக பிரட்டி எடுக்கவும்.

பின் அரைத்த விழுது மற்றும் உப்பு சேர்த்து நன்றாக கலந்து விடவும்.கொதிக்க ஆரம்பித்ததும் மசாலா சேர்த்து கலக்கவும்.

பின்,தக்காளி விழுது சேர்த்து கலந்து கொதிக்க விடவும்.

கொதித்ததும், புளிக்காத க்ரீமி-யான தயிரை நன்றாக கட்டிக்களிலாமல் கலந்து விட்டு அதனுடன் 1டம்ளர்(200ml) தண்ணீர் சேர்த்து,மூடி போட்டு சிம்மில் வைத்து கொதிக்க விடவும். உப்பு சரி பார்க்கவும்.

புளித்த தயிராக இருந்தால்,திரிந்தது போல் ஆகி விடும்.பயன்படுத்த முடியாது.

5நிமிடங்கள் கழித்து மசாலாவில் பிரட்டிய முட்டை சேர்க்கவும்.மீண்டும் மூடி போட்டு கொதிக்க விடவும்.பின் 5நிமிடங்கள் கழித்து நறுக்கிய மல்லித்தழை புதினா மற்றும் கீறிய மிளகாய் சேர்த்து கலந்து விட்டு,மீண்டும் 5 நிமிடங்கள் சிம்மில் கொதிக்க விடவும். இதை சேர்த்த பிறகு flavour and aroma நன்றாக இருக்கும்.

அவ்வளவுதான். சுவையான, ஹைதராபாத் ஸ்டைலில்,தயிரை மிக முக்கிய பொருளாக வைத்து தயார் செய்த, முட்டை கிரேவி ரெடி.

இது எல்லா வகையான சப்பாத்தி/மசாலா பராத்தா, நாண்-க்கு மிகச் சுவையாக இருக்கும்.