சிக்கன் டிக்கா (Chicken tikka recipe in Tamil)

முதலில் ஒரு பாத்திரத்தில் தயிர் மிளகாய்த் தூள் தனியா தூள் கரம் மசாலா தூள் மஞ்சள் தூள் இஞ்சி பூண்டு விழுது தேவையான அளவு உப்பு சேர்த்து நன்றாக கலக்கவும் அதனுடன் பெரியதாக நறுக்கி வைத்த காய்கறிகளையும் சிக்கனையும் சேர்க்கவும்

சிக்கன் நான் குட்டி குட்டியாக நறுக்கி உள்ளேன் குழந்தைகளுக்காக.. நீங்கள் விருப்பமானால் பெரியதாகவும் நறுக்கிக் கொள்ளலாம்.. எல்லா மசாலாவும் கலந்ததும் அதனுடன் இறுதியாக எலுமிச்சம் பழச் சாறையும் சேர்த்து நன்றாக கலந்து ஒரு மணியிலிருந்து இரண்டு மணி நேரம் வரை ஊற வைக்கவும்..

க்ரில் செய்யக்கூடிய மர குச்சி அல்லது இரும்பு கம்பி இருந்தால் அதை எடுத்துக்கொள்ளலாம்.. நான் குச்சி தான் எடுத்துள்ளேன்.. ஒரு குச்சியை எடுத்து அதில் முதலில் கலர் குடைமிளகாய் வெங்காயம் அதன்பிறகு சிக்கன் மீண்டும் குடைமிளகாய் வெங்காயம் சிக்கன் இப்படி மாற்றி மாற்றி சொருகி வைக்கவும்..

பழைய தோசை தவா வாக இருந்தால் பயன்படுத்தலாம்.. இப்போது தோசைக்கல்லை சூடாக்கி அதில் சிறிது எண்ணெய் விட்டு சிக்கனும் காய்கறிகளும் சொருகிய இந்தக் குச்சிகளை அதில் வைக்கவும்

அவ்வப்போது குச்சியை திருப்பி திருப்பி எல்லா புறமும் நன்றாக வேகும் படி செய்யவும்.. காய்கறிகளை விட சிக்கன் பெரிதாக இருக்க வேண்டும் அப்போதுதான் சிக்கன் வேகும்.. காய்கறி பெரியதாக இருந்தால் காய்கறி வெந்துவிடும் சிக்கன் வேகாது.. கடாயில் சிக்கன் படும்படி சிறிது பெரியதாக செய்யவும்..

இப்போது சூடான சுவையான குழந்தைகளுக்கு மிகவும் பிடித்த சிக்கன் டிக்கா தயார்..