முதலில் கடாயில் எண்ணெய் ஊற்றி பட்டை, கிராம்பு, ஏலக்காய், மராத்தி மொக்கு, நச்சத்திர சோம்பு, பிரிஞ்சி இலை சேர்த்து தாளிக்கவும்... அதனுடன் வெங்காயத்தையும் சேர்த்து நன்றாக வதக்கவும்..

வெங்காயம் வதங்கியதும் அதனுடன் புதினாவையும் பச்சை மிளகாயையும் சேர்த்து வதக்கவும் அது வதங்கியதும் அதனுடன் இஞ்சி பூண்டு விழுதையும் சேர்த்து நன்றாக வதக்கவும்..

எல்லா வதங்கியதும் மிளகாய்த்தூளை இப்பொழுதே சேர்த்து நன்றாக வதக்கினால் எண்ணெயில் வதங்கும் போது பிரியாணியின் கலர் நன்றாக இருக்கும்.. எல்லாம் வதங்கியதும் அதனுடன் தயிரையும் சேர்த்து வதக்கவும் எல்லாம் ஒன்றாக கலந்தவுடன் தக்காளி சேர்த்து நன்றாக வதக்கவும்...

சிறிது தண்ணீர் ஊற்றி கொதிக்க விடவும் அதனுடன் உப்பு சேர்த்து நன்றாக கொதிக்கவிடவும்... இப்போது பிரியாணி மசாலா தயார்..

நான் எலக்ட்ரிக் குக்கரில் இதை செய்து உள்ளேன்.. அரிசி ஊற வைக்க வில்லை... அரிசியை நன்றாக கழுவி குக்கரில் சேர்த்து ஆறு கப் தண்ணீர் சேர்க்கவும்.. அதனுடன் நாம் தயார் செய்து வைத்துள்ள பிரியாணி மசாலாவையும் சேர்த்து கலக்கவும்...

குக்கரை ஆன் செய்து விடவும்... சிறிது நேரத்தில் அதுவே வெந்து அருமையான குஸ்கா தயாராகி விடும்... எப்பொழுதும் பிரியாணி பாத்திரத்தின் ஓரத்தில் இருந்து தான் எடுக்க வேண்டும் அப்போதுதான் அரிசி உடையாமல் சாதம் முழுமையாக இருக்கும் பார்ப்பதற்கும் நன்றாக இருக்கும் இல்லையென்றால் சாதம் உடைந்துவிடும்..

இப்போது சூடான சுவையான குஸ்கா தயார்...