பாசுமதி அரிசியை நன்கு கழுவி பதினைந்து நிமிடங்கள் ஊற வைக்கவும்.

ஒரு பாத்திரத்தில் மூன்று மடங்கு தண்ணீர் சேர்த்து,கொஞ்சமாக உப்பு, ஒரு ஸ்பூன் நெய் சேர்த்து கொதிக்க வைத்து உதிரியாக வடித்து வைத்துக் கொள்ளவும்.

ஒரு பாத்திரத்தில் தண்ணீர் சேர்த்து ஸ்டவ்வில் வைத்து அதில் சோயா உருண்டைகளை சேர்த்து மூடி வைக்கவும். தண்ணீர் கொதிக்க தொடங்கியதும் இறக்கவும்.

பின்னர் சோயா உருண்டைகளை எடுத்து குளிர்ந்த நீரில் கழுவி, அதில் உள்ள தண்ணீரை பிழிந்து எடுத்து வைத்துக் கொள்ளவும்.

ஒரு பெரிய உருளைக்கிழங்கை வேகவைத்து, தோல் உரித்து நறுக்கி வைத்துக் கொள்ளவும்.

ஒரு பௌலில் தயிர்,பிரியாணி மசாலாத்தூள், மிளகாய்த்தூள், உப்பு,இஞ்சி பூண்டு பேஸ்ட், கரம் மசாலாத்தூள் சேர்த்து நன்கு கலந்து,தயாராக உள்ள சோயாவை சேர்த்து கலந்து விடவும்.

அத்துடன் வேக வைத்து நறுக்கி வைதுள்ள உருளைக்கிழங்கை சேர்த்து கலந்து பதினைந்து நிமிடங்கள் ஊற வைக்கவும்.

பின்னர் நறுக்கி வைத்துள்ள வெங்காயம், புதினா, மல்லி சேர்த்து வதக்கி,இஞ்சி பூண்டு விழுது சேர்த்து நன்கு வதக்கவும்.

அதன்பின் நறுக்கி வைத்துள்ள பச்சை மிளகாய்,தக்காளி சேர்த்து நன்கு பொன்னிறமாக வதக்கவும்.

பின்னர் ஊற வைத்துள்ள சோயா,உருளைக்கிழங்கு மசாலா கலவையை சேர்த்து,மல்லி, புதினா இலைகளை சேர்த்து நன்கு கலந்து, கொஞ்சமாக தண்ணீர் சேர்த்து கலந்து வேக வைக்கவும்.

பத்து நிமிடங்கள் மிதமான சூட்டில் மூடி வைத்து வேக வைக்கவும். பின்னர் அதன் மேல் வடித்து வைத்துள்ள சாதத்தை சேர்த்து, அதன் மேல் மல்லி, புதினா, நெய் சேர்த்து மூடி வைத்து தம் போடவும்.

தோசை தவாவை ஸ்டவ்வில் வைத்து சூடானதும்,அதன் மேல் தம் போட்டு வைத்துள்ள பாத்திரத்தை வைத்து பத்து நிமிடங்கள் மூடி வைக்கவும். அதில் ஒரு ஸ்பூன் எலுமிச்சை சாறு கலந்து இரண்டு நிமிடங்கள் மூடி விடவும். பின்னர் எடுத்தால் சோயா உருளைக்கிழங்கு தம் பிரியாணி தயார்.