பால் கொழுக்கட்டை

அரிசியை களைந்து நான்கு மணி நேரம் ஊற வைக்கவும். பின் கிரைண்டரில் சிட்டிகை உப்பு சேர்த்து நன்கு நைசாக அரைக்கவும்.

அரைத்த மாவில் நீர் சேர்த்து கரைக்கவும்.

கெட்டியான வாணலியை அடுப்பில் வைத்து அதில் அரைத்த மாவு, 2 தேக்கரண்டி நெய் சேர்த்து, அடுப்பை சிம்மில் வைத்து கிளறவும். சிறிது நேரத்தில் மாவு கெட்டியாக தொடங்கும்.

கைவிடாமல் கிளறிக்கொண்டே இருக்கவும். சிறிது நேரத்தில் மாவு சப்பாத்தி மாவு பதத்திற்கு வந்தவுடன் அடுப்பை அணைக்கவும்.

மாவு ஆறியவுடன் கையிலொரு ஸ்பூன் நெய்யை தடவிக் கொண்டு மாவை நன்கு அழுத்தி கட்டியில்லாமல் பிசையவும். சிறு உருண்டைகளாக உருட்டி வைக்கவும்.

வெல்லத்தை சிறிதளவு தண்ணீரில் கரைத்துக் கொண்டு, தூசியில்லாமல் வடிகட்டி ஒரு பாத்திரத்தில் 2 கப் தண்ணீர் சேர்த்து கொதிக்க விடவும்.

அதில் உருண்டைகளை நிதானமாக போட்டு, பாத்திரத்தை மூடவும்.

மீடியம் flame இல் வேகவிடவும். (7 முதல் 10 நிமிடங்கள்)

இபோழுது மூடியை திறக்கவும். உருண்டைகள் வெந்து மிதப்பதை பார்க்க முடியும். அதில் ஏலப்பொடி, கெட்டி தேங்காய் பால் குங்குமப்பூ சேர்த்து உடன் அடுப்பை அணைக்கவும்.