வாழைத்தண்டை பட்டை நீக்கி வட்ட வட்டமாக நார் இல்லாமல் நீக்கி நறுக்கி பின் சிறுசிறு துண்டுகளாக நறுக்கி தண்ணீரில் போட வேண்டும்.

பாசிப்பருப்பு நன்கு கழுவி பாத்திரத்தில் போட்டு பருப்பு மூழ்கும் வரை தண்ணீர் விட்டு வேகவைத்து எடுத்துக்கொள்ளவும்.

வாணெலி(கடாய்) அடுப்பில் வைத்து 2 ஸ்பூன் எண்ணெய் ஊற்றி காய்ந்ததும் பெருங்காயம்,கடுகு,உடைத்தஉளுத்தம்பருப்புசேர்த்து கடுகுபொரிந்ததும்,நறுக்கிய வெங்காயம் சேர்த்து வதக்கவும்.வதங்கிய பின் நறுக்கிய பச்சைமிளகாய் இஞ்சி சேர்த்து அதனுடன் மஞ்சள் தூள் போட்டு, பொடியாக நறுக்கிய வாழைத்தண்டு சேர்த்து தேவையான அளவு உப்பு சேர்த்து அத்துடன் வேக வைத்த பாசிப்பருப்பு போட்டு சிறிது தண்ணீர்விட்டு மூடி 10 நிமிடம் வரை வேக வைக்கவும்.

பிரஷர் குக்கரில் செய்ய, வாழைத்தண்டு, பாசிப்பருப்பு, நறுக்கிய வெங்காயம் சேர்த்து இஞ்சி பூண்டு பச்சைமிளகாய் சேர்த்து உப்பு மஞ்சள் தூள் சேர்த்து இவை அளவிற்கு தண்ணீர் விட்டு 3விசில் வந்ததும் இறக்கி,கடாயை அடுப்பில் வைத்து எண்ணெய் ஊற்றி சூடானதும் கடுகு உடைத்தஉளுத்தம்பருப்புசேர்த்து பெருங்காயம் போட்டு கருவேப்பிலை சேர்த்து கூட்டில் கொட்டி தாளிக்கவும்.துறுவிய தேங்காய் கொத்தமல்லி தூவி பரிமாறவும்.