હવે મિલેટ અને મગની દાળને એક પ્રેશર કુકરમાં ત્રણ કપ પાણી, મીઠું અને હળદર નાખીને મીડીયમ તાપ પર ચાર થી પાંચ વ્હિસલ સુધી બાફી લેવી. કુકરને જાતે ઠંડુ થવા દેવું.

એક પેનમાં ઘી ગરમ થાય એટલે તેમાં જીરું ઉમેરવું. જીરું નો રંગ બદલાય એટલે તેમાં લીલા મરચા, લીલી ડુંગળી, લીલું લસણ અને મેથી ઉમેરીને એક મિનિટ માટે મીડીયમ તાપ પર પકાવવું. હવે તેમાં આદુ અને મીઠું ઉમેરીને ત્રણ થી ચાર મિનિટ સુધી મીડીયમ તાપ પર પકાવવું. હવે તેમાં તૈયાર કરેલી ખીચડી અને બે કપ પાણી ઉમેરવું. પહેલા એક કપ પાણી ઉમેરીને બરાબર હલાવી લેવું. ખીચડી વધારે ઢીલી પસંદ હોય તો વધારે પાણી ઉમેરવું. પસંદગી પ્રમાણે પાણી વધારે કે ઓછું કરી શકાય.