સૌપ્રથમ ખીચડી બે વખત પાણીથી સરસ ધોઈ લેવાની ત્યારબાદ તેમને પલાળી ત્યારબાદ બટાકુ સમારી લેવાનું. હવે ગેસ ઉપર કુકરમાં બે મોટી ચમચી તેલ મુકો. તેલ ગરમ થાય એટલે રાઈ મૂકો. રાઈ તતડી જાય એટલે ચપટી જીરું નાખો. ત્યારબાદ તેમાં મરી ઉમેરો. તજ અને લવિંગ ઉમેરો.

ત્યારબાદ તેમાં તમાલપત્ર લાલ મરચું અને લીમડો ઉમેરો ત્યારબાદ ચપટી હિંગ નાખી અને ચાર વાટકી પાણી ઉમેરો. ત્યારબાદ તેમાં હળદર અને મીઠું ઉમેરો. પાણી ઉકળવા માંડે ત્યારબાદ ખીચડી માંથી પાણી કાઢી નાખો અને ખીચડી ઉમેરો. હવે કુકરમાં ત્રણ વિસલ વગાડો. ગેસ બંધ કરી દો.

વરાળ નીકળી જાય ત્યારબાદ કુકર ખોલી ધાણાભાજી છાંટી અને ખીચડી હલાવી લો અને ત્યારબાદ સર્વ કરો.