હવે એક વાત મોટા વાસણમાં બધી ભાજીની સાથે મૂળાના ટુકડા, લીલા મરચા, લસણ, આદુ અને મીઠું ઉમેરવું. હવે તેમાં પાંચ કપ પાણી ઉમેરીને ધીમા તાપે દોઢ કલાક માટે પકાવવું. વચ્ચે વચ્ચે હલાવતા રહેવું.

હવે ચમચાની મદદથી હલાવતા જવું અને ભાજીને દબાવતા જવું. હવે તેમાં મકાઈનો લોટ ઉમેરીને હેન્ડ બ્લેન્ડર ની મદદથી અધકચરું વાટી લેવું. એકદમ બારીક પેસ્ટમાં વાટવું નહીં.

એક પેનમાં ઘી ગરમ કરી તેમાં હિંગ અને કાંદા ઉમેરીને કાંદા હલકા ગુલાબી રંગના થાય ત્યાં સુધી સાંતળવા. હવે તેમાં લીલા મરચા, આદુ, લસણ, લાલ મરચું અને મીઠું ઉમેરીને એક મિનિટ માટે મીડીયમ તાપ પર સાંતળવું. હવે તેમાં ટામેટા ઉમેરીને ટામેટા પોચા થાય ત્યાં સુધી પકાવવું. હવે આ બધી વસ્તુઓ તૈયાર કરેલા સાગમાં ઉમેરીને આઠ થી દસ મિનિટ માટે મીડીયમ તાપ પર પકાવવું.

વઘાર માટે એક પેનમાં ઘી ગરમ થાય એટલે તેમાં લસણ અને આખું લાલ સૂકું મરચું ઉમેરીને મીડીયમ તાપ પર લસણ હલકા ગુલાબી રંગનું થાય ત્યાં સુધી સાંતળવું. હવે આ વઘારને તૈયાર થયેલા સાગની ઉપર ઉમેરી દેવો.