मैद्याच्या पीठात बेसन पीठ, हळद, हिंग आणि मीठ घालून मिक्स करावे. गरम तेल घालून चांगले एकजीव करावे.

थोडे थोडे पाणी घालून पीठ मळून घ्यावे. तेल लावून २० मिनिटे झाकून ठेवावे. मसाला बनविण्यासाठी मिक्सरच्या भांड्यात सूकं खोबरं, जीरे, धणे, बडीशेप, तीळ, खसखस, हळद, लाल तिखट, हिंग, आमचूर पावडर, साखर आणि मीठ घालून बारीक वाटून घ्यावे.

पीठाचा गोळा लाटून त्यावर चिंचेची चटणी लावून त्यावर तयार केलेला मसाला लावावा. थोडे हाताने दाबून घ्यावे जेणेकरुन मसाला चांगला लागेल पीठाला.

रोल करून कापून घ्यावे. हलके हाताने दाबावे.

कढईत तेल गरम करून त्यात बाकरवड्या चांगल्या खरपुस तांबूस रंगाच्या तळून घ्याव्यात.