முதலில் காலிஃப்ளவரை சிறிது சிறிதாக நறுக்கி அதை நல்ல கொதித்த நீரில் சிறிது உப்பு கலந்து 5 நிமிடம் வேகவிட்டு வடிக்கட்டி வைக்கவும்.

வெங்காயம் தக்காளி இரண்டையும் ஒரு மிக்ஸி ஜாரில் போட்டு நன்கு அரைத்துக் கொள்ள வேண்டும்.

பின்பு ஒரு கடாயில் சிறிது எண்ணெய் ஊற்றி அதில் தனியா பூண்டு சோம்பு சீரகம் தேங்காய் புதினா எல்லாவற்றையும் நன்றாக வதக்கி ஆற வைத்து தண்ணீர் ஊற்றி விழுதாக அரைத்துக் கொள்ளவும்

அடுப்பில் கடாயை வைத்து தேங்காய் எண்ணெய் ஊற்றி காய்ந்ததும் அதில் கிராம்பு பட்டை பிரிஞ்சி இலை சேர்த்து பொரிந்ததும் அரைத்து வைத்த வெங்காயம் தக்காளி விழுதை ஊற்றி அதனுடன் மிளகாய் தூள் மஞ்சள் தூள் கரம் மசாலா சேர்த்து நன்றாக கலந்து விடவும்.

மசாலா நன்கு கலந்து கொதித்து பச்சை வாசனை போனவுடன் அரைத்து வைத்த தேங்காய் புதினா விழுதை சேர்த்து மிதமான தீயில் ஒரு கொதி விடவும்

எல்லா மசாலாவும் நன்றாக கலந்து கொதி வந்தவுடன் சுடுநீரில் போட்டு வைத்திருந்த காலிஃப்ளவரை மசாலாவுடன் தேவைக்கேற்ப உப்பு சேர்த்து சிறிது தண்ணீர் ஊற்றி10 நிமிடம் மிதமான தீயில் வேகவிடவும்.நன்றாக வந்து குழம்பு பதத்தில் ஆனவுடன் அடுப்பை அணைத்துவிட்டு கொத்தமல்லி தூவி பரிமாறவும்