સૌપ્રથમ એક બાઉલમાં ચોખાને પાણીમાં પલાળી રાખો.૨૦ મિનિટ બાદ બે વખત ધોઈને પાણી નીતારી લો. મેં અહીં કૂકરમાં બાફી લીધાં છે. તમારે છુટાં રાંધવા હોય તો એ રીતે રાંધવા. કૂકરમાં બાફવા માટે ૫ કપ પાણી ઉમેરી રાંધવા. જે કપથી ચોખા લીધા હોય એ જ કપથી પાણી લેવું અને ૨ સીટી વગાડી લો.

હવે બધી સામગ્રી ભેગી કરી લો.એક પેનમાં ૩ ચમચી બટર અને તેલ ઉમેરી વટાણા ૫ મિનિટ સુધી સાંતળો.

હવે ડુંગળી અને કેપ્સિકમ ઉમેરી ૨ થી ૩ મિનિટ સુધી સાંતળવું. ત્યાર બાદ ટામેટા અને બટાકા ઉમેરીને બરાબર મિક્સ કરો અને ૫ મિનિટ સુધી થવા દો.હવે વચ્ચે ૧ ચમચી બટર ઉમેરી પાવભાજી મસાલો, લસણની ચટણી, કાશ્મીરી મરચું અને લાલ મરચું પાવડર ઉમેરીને બરાબર મિક્સ કરી લો.

હવે મીઠું નાખી મિક્સ કરી લો. રાંધેલા ભાત છુટા કરી થોડા થોડા ઉમેરો અને બરાબર મિક્સ કરી લો.

છેલ્લે સમારેલી કોથમીર અને લીંબુનો રસ ઉમેરી બરાબર મિક્સ કરી લો.

એક સર્વીંગ પ્લેટમાં તૈયાર પુલાવ કાઢી એને બુંદી રાઈતુ અને પાપડ સાથે સર્વ કરો.