સૌ પહેલા એક બાઉલ માં ચણા નો લોટ ચાળી ને લેવો. ત્યાર બાદ બીજા બાઉલ માં 3 કપ પાણી લઈ ને તેમાં 3 ચમચી ખાંડ, 1 ચમચી મીઠું, 1 ચમચી લીંબુ નાં ફૂલ નાખી ને સરખું મિક્સ કરવું.અને ખાંડ ને ઓગળી લેવી.

હવે આ પાણી માં ચણા નો લોટ ધીમે ધીમે મિક્સ કરતા જવું જેથી ગઠા n પડે. અને એકદમ એકરસ કરી ને મિશ્રણ તૈયાર કરી લેવું.ત્યારબાદ તેમાં 1 ચમચી ખાવાનો સોડા નાખી ને 3 મિનિટ સુધી હલાવતા રહેવું..જેથી આથો સરસ આવી જશે.

હવે એક ઊંડી થાળી માં તેલ લગાવી ને આ મિશ્રણ ને તેમાં નાખી દેવું. અને થોડી જગ્યા રાખવી થાળી માં એવી રીતે નાખવું.

ત્યારબાદ ઢોકળીયા માં તેને વરાળ થી 20 મિનિટ માટે રાખવું. ત્યારબાદ ખોલી ને તેમાં ચાકુ કે સળી નાખી ને જોઈ લેવું કે ઢોકળા તૈયાર થઈ ગયા છે કે નહિ.

હવે થાળી ને બહાર કાઢી ને 1/2કલાક માટે રાખી દેવી..ત્યાર બાદ એક કડાઈમાં 3 ચમચી તેલ લઇ તેમાં રાઈ, હિંગ,લીલા મરચાં નાખી ને તેમાં એક ગ્લાસ પાણી નાખી ને વઘાર કરવો. હવે તેમાં એક વાટકી ખાંડ નાખી ને અને 1 ચમચી મીઠું નાખી ને સતત હલાવવું.

હવે થાળી માં નાં ઢોકળા ને એકસરખા કાપી લેવા અને તેની ઉપર આ વઘાર વાળું પાણી ફરતે નાખી દેવું અને ઉપર થી કોથમીર નાખી ને એકદમ પોચા ખમણ ઢોકળા નો આનંદ માણવો...🤗🤗