#chai
Is chai ki kahani kuch is terha Hai Kay jab main Saudia shift hui to yahan Kay maqami logo ko mukhtalif terha ka qahwa or tea peetay dekha. Jab bhi koi milta kisi nai terha ka qahwa deta. Kuch to achay lagtay or kuch bus khud samajh lijiyae. Aik dafa meri aik friend kuch dry flowers sath Lai or garam panai main dal ker uska qahwa banaya. Mujhay Bari hairat hui Lakin jab piya to taste acha laga. Poochnay per bataya Kay ye (baboonj) ka qahwa Hai or iskay bohat fawaid hain. Kuch phool ki tasweer bhi dikhai.
Aik din Park main mujhay waisay phool nazar aye to main nay kafi saray jama ker liyae dry kernay ki gharz say. Dry kernay Kay bad apni dost ko baray fakhar say dikhaye to wo hansnay lagi or bataya ye chamomile flowers nahi hain Lakin uskay jaisay dikhtay hain. Kyun Kay mainay daisy Kay flowers jo dry ker liyae thay Lakin wo to shukar Hua Kay qahwa Bana ker nahi pi Liya.😢😢 Bus wo din aaj ka din qahwa zaroor peeti hoon fawaid ki wajah say Lakin Bazar say dried flowers hi lay leti hoon. Neem Hakeem khatraye Jan bannay say behtar Hai. Chamomile Kay tea bags bhi miltay hain. Main khas tor per sleep and relaxation Kay liyae lety hoon.👼🛌 Ye periods Kay pain main bhi faida deti Hai, anti cancer Hai, mild cough and flu, lowering blood pressure and lowering inflammation main bhi help kerti Hai.