સૌ પ્રથમ ચણા ની દાળ ને ૪ થી ૫ કલાક માટે પલાળી લેવી. એ પલડે એટલે એક વાટકી મા પૌવા પણ ૫ મિનિટ માટે પલાળી લેવા.ત્યાર બાદ મિક્સર જાર મા ચણા ની દાળ,પલાળેલા પૌવા,આદુ મરચા લઈ વતી લેવા.

એ પીસાય જાય એટલે એને એક વાસણ મા કાઢી લઈ એમાં સ્વાદાનુસાર મીઠું,ચપટી હિંગ,બેસન ઉમેરી હલાવો.ત્યાર બાદ એમાં તેલ અને ઇનો ઉમેરો ને એની ઉપર એક ચમચી જેટલું ગરમ પાણી રેડો.

આ મિશ્રણ આપડે ઢોકળા ના ખીરા કરતા પાતળું રાખવાનું છે.હવે આ મિશ્રણ ને બાફવા માટે મૂકી દો.લગભગ ૧૫ મિનિટ મા લોચો તૈયાર થઈ જશે.

લોચો તૈયાર થાય એટલે એના પર સેઝવાન ચટણી કાપેલા કાંદા તેલ અથવા બટર ઉમેરો. ને સેવ સાથે સર્વ કરો.