એક કડાઈ મા ઘી ગરમ કરવા મુકો. સામાન્ય ગરમ થાય પછી ચણા નો લોટ ઉમેરો. બરાબર મીક્સ કરી લો. ગેસ ની આંચ ધીમી રાખો.

હવે એમાં દૂધ ઉમેરો. આ પ્રક્રીયા ને ધાબો દીધો કેહવાય. હવે સતત ૨૦ મિનીટ સુધી હલાવ્યા કરો.

કલર થોડો ભૂરાશ પડતો આવે ત્યાં સુધી શેકી લો. હવે એને બહાર પ્લેટ માં કાઢી લો.

હવે એ જ કડાઈ માં પાણી અને ખાંડ ઉમેરો. ખાંડ ઓગળે ત્યાં સુધી હલાવતા રહો.

ખાંડ બરાબર પીગળે પછી કલર માં થોડું પાણી ઉમેરી મીક્સ કરી ચાસણી માં ઉમેરો. ચાસણી ને ચેક કરતા રહો. ૧.૫ તાર ની ચાસણી તૈયાર થઈ જાય પછી ગેસ બંધ કરી દો.

તરત શેકેલો ચણાનો લોટ ઉમેરો. મીક્સ કરી દો. પછી એમાં ઈલાયચી પાઉડર ઉમેરો.હવે ૧ મિનીટ હલાવી વાસણ માં ઘી લગાડી ઠારી લો. ઉપર થી બદામ અને ચારોળી થી ગાર્નિશ કરો.

મોહનથાળ ને ૧ કલાક માટે ઠરવા દો. પછી એના પીસ કાપી લો. દિવાળી સ્પેશિયલ મોહનથાળ તૈયાર છે સર્વ કરવા માટે.

પોચો રુ જેવો મોહનથાળ બનાવા આ રીતે જરુર ટ્રાય કરજો. બહુ જ ટેસ્ટી બને છે.